И тоа се случи. Џенерал Моторс произведува типични градски автомобили. Автомобилскиот гигант ЏМ кој никогаш не правел автомобили помали од пет метри, денес прави автомобили со должина од околу три метри. Тоа се случи во 2020 година кога заедно со кинескиот автомобилски гигант САИК почнаа да произведуват електрични автомобили. Марката е Вулинг, а моделот „хонгуанг мини“ кој се појави за првпат во 2020 година. Името кажува „мини“ значи нешто мало.
Во септември Вулинг ја претстави втората генерација од истоимениот модел само што сега е подолг, поширок и малку понизок, односно 3.256 х 1.510 х 1.578 и 2.190 мм растојание меѓу оските, додека првата генерација ги има следниве димензии: 3.064 х 1.493 х 1.614 и 2.010 мм меѓуоскино растојание.
Електромоторот има 41 КС, а со едно полнење на батеријата возилото изминува 120 км, додека крајната брзина е ограничена на 100 км/ч. Сосема солидни бројки за едно типично градско возило. Цената сѐ уште не е објавена, но ако ја спомнеме таа од првата генерација, 4.200 евра, тогаш јасно е дека упорните Кинези си направиле уште еден народен автомобил. Велиме уште еден затоа што денес има најмалку 10 слични автомобили кои се продаваат на кинескиот пазар. Дали вакво нешто ќе се продава кај нас?
ТОП НОВОСТИ
