НИЕ СМЕ СКЕПТИЧНИ-ÖAMTC ТЕСТИРАШЕ 13 ДЕТСКИ СЕДИШТА – РЕЗУЛТАТ: НЕМА ОЦЕНКА МНОГУ ДОБАР, НЕМА НЕДОВОЛЕН.

13/01/2021

ВО ФОКУСОТ: СЕДИШТА ШТО СЕ ПРИСПОСОБЛИВИ НА ВОЗРАСТА НА ДЕТЕТО. ОД АЛЕКСАНДЕР ФИШЕР

Почитуван члену, ова го предвидовме уште на почетокот: овој тест завршува без високи, но и без премногу ниски поени, нема први места, но, исто така, нема ни четврти, па дури ни петти места. Наместо тоа, исклучително втори и трети места. Со мали ограничувања, дури може да зборуваме и за убав резултат.

Штефан Кербл, техничарот на ÖAMTC, го наведе следниов заклучок: „Некои модели, како што се, на пример, Cybex Aton B или Joie i-Spin Safe, за малку не го добија првото место. Други, пак, блескаат во одделни дисциплини, но не успеваат на друго место – видете ги Besafe iZi Modular и Maxi-Cosi Morion. Особено бевме задоволни што овој пат немаше негативни вредности во однос на содржината на штетни материи.

Со исклучок на Recaro Salia, сите модели добија дури и оценка многу добар. Очигледно, производителите ја зедоа предвид нашата постојана критика и сега повеќе внимаваат при изборот на навлаки за седиштата.“

ВТОР ТЕСТ, 2020 ГОДИНА.

Фактот дека детските седишта се тестираат двапати годишно поради големиот број нови производи стана сосема нормален за техничарите на клубот, па дури и обичај, исто како и проверката на новите летни и зимски пневматици.

Оттаму, процедурата секогаш следи иста шема: безбедноста, содржината на штетни материи, ергономијата и употребливоста се основните критериуми што треба да ги проверат техничарите на ÖAMTC при тестот за детски седишта. Со други зборови, за секој модел се симулира сообраќајна незгода, моделот се расекува и се оштетува и повеќепати се монтира и демонтира.

Притоа постојано се експериментира, се критизира, а потоа и се внесува во протоколи. Основата на процената ја формираат стандардизирани норми и упатства, тие се однесуваат на сите модели, од седишта за бебиња до подигнати седишта со потпирач за грб.

Звучи како да е многу напорно – и така е: Ваквиот тест за детско седиште трае и по неколку недели. Но (дури и ако тоа звучи како клише): безбедноста на децата има најголем приоритет во клубот, а тоа го оправдува напорот.

Позитивен придружен ефект на оваа стандардизирана постапка е дека резултатите од тестовите што се стари неколку години се споредливи со актуелните. Оценката многу добар останува многу добар, а добриот модел останува добар модел.

Сите тестови може да се најдат на веб-страницата на ÖAMTC.

 

Коментар од Штефан Кербл, техничар на ÖAMTC
Дали е разумна употребата на седишта што се приспособливи на возраста на детето?

Детското седиште што може да го користат мали деца со висина од околу 75 сантиметри до речиси адолесценти високи околу 150 сантиметри, честопати производителите го нарекуваат седиште што расте заедно со детето.

Во актуелниот тест се претставени два од овие производи: Avova Sperling-Fix i-Size (нов производ од релативно нова фирма) и Britax Römer Advansafix i-Size (производ од реномиран производител на детски седишта што континуирано се усовршува). Ако ги погледнете деталните резултати, станува јасно дека е голем предизвикот да се постигне добар резултат од тестот со детско седиште што е приспособливо на возраста на детето. Зошто? Бидејќи производителот треба да направи компромиси со овие седишта. Школките на седиштата, на пример, може да се нагодат во висина, но не и во ширина – околност што може да влијае врз вредностите на страничните удари.

Многу е лесно да се забележи дека производителите, ако обрнат внимание на секој детаљ во конструкцијата, сепак, може да постигнат беспрекорност на тестот. На пример, Britax Römer Advansafix i-Size за малку не ја доби оценката добар, а ја изгуби токму при фронтален удар, со кој овие детски седишта обично не се справуваат полошо од вообичаените детски седишта. Од друга страна, Avova Sperling-Fix i-Size, покажа уште послаб резултат во фронталниот удар, вклучително и во речиси сите критериуми за употребливост. На крајот излезе со оценка задоволителен.

Како и да е: Детските седишта што се приспособливи на возраста на детето во последниве години станаа многу побезбедни и полесни за ракување како резултат на два фактора. 1) Тие се поврзани со автомобилот само преку држачи Isofix. 2) Појасот за затегнување останува на детското седиште дури и кога повеќе не е потребен (едноставно е скриен). Ова драстично го намали ризикот од погрешна употреба. Детските седишта што се приспособуваат на возраста се алтернатива за луѓето што ретко превезуваат деца и на кои им треба уште едно место за седење или сакаат да патуваат поевтино.

Оној, пак, што сака оптимална безбедност и удобност за своите деца, не може да избегне овој производ да го менува повеќепати.

 

 

 

 

ÖAMTC    КРИТЕРИУМИ
МАРКА Cybex Cybex ABC Design ABC Design Joie Nuna Recaro
ИМЕ НА ТИПОТ НА СЕДИШТЕ Aton B i-Size + Base M Aton B i-Size Tulip Tulip + Isofix base Tulip i-Spin Safe Prym Salia
ПОСТАВЕНОСТ наназад наназад наназад наназад наназад нанапред и наназад нанапред и наназад
ECE КЛАСА 45-87 cm 45-87 cm 45-85 cm 45-85 cm 40-105 cm 40-105 cm 40-105 cm
ТЕЖИНА НА      СЕДИШТЕ/     ВО КГ 4,3 / 6,4 4,3 4,1 4,1 / 7,2 14,3 14,9 15,8
ЦЕНА ВО ЕВРА 338,- 169,- 169,9 328,9 409,- 459,95 479,-
БЕЗБЕДНОСТ 1,6 1,5 2,1 2,0 1,2 1,8 2,0
УПОТРЕБЛИВОСТ 1,7 2,2 2,5 3,5 2,1 2,6 2,5
ЕРГОНОМИЈА 1,7 1,7 1,6 1,8 1,9 1,9 2,4
КОНТРОЛА НА ШТЕТНИ        МАТЕРИИ 1,0 1,0 1,0 1,0 1,0 1,0 1,7
ПРЕПОРАКА ДОБАР ДОБАР ДОБАР ЗАДОВОЛИТЕЛЕН ДОБАР ДОБАР ДОБАР

 

 

ÖAMTC    КРИТЕРИУМИ
МАРКА Maxi-Cosi Recaro Besafe Britax Römer Avova Maxi-Cosi
ИМЕ НА ТИПОТ НА СЕДИШТЕ Mica Salia Elite iZi Modular X1 + iZi Modular
i-Size Base
Advansafix i-Size Sperling-Fix i-Size Morion
ПОСТАВЕНОСТ нанапред и наназад нанапред и наназад нанапред и наназад нанапред нанапред нанапред
ECE КЛАСА 40-105 cm 40-105 cm 61-105 cm 76-150 cm 76-150 cm 100-150 cm
ТЕЖИНА НА      СЕДИШТЕ/     ВО КГ 15,1 15,8/3,0 8,6 / 6,7 11,0 13,7 5,8
ЦЕНА ВО ЕВРА 449,- 599,- 618,- 299,- 349,95 179,-
БЕЗБЕДНОСТ 3,0 2,0 1,7 2,7 3,2 2,5
УПОТРЕБЛИВОСТ 2,2 3,0 2,6 2,6 3,1 1,5
ЕРГОНОМИЈА 2,0 2,5 1,9 2,0 2,1 1,9
КОНТРОЛА НА ШТЕТНИ        МАТЕРИИ 1,0 1,7 1,0 1,0 1,0 1,0
ПРЕПОРАКА ЗАДОВОЛИТЕЛЕН ЗАДОВОЛИТЕЛЕН ДОБАР ЗАДОВОЛИТЕЛЕН ЗАДОВОЛИТЕЛЕН ДОБАР

 

За целокупната оценка важи следново:

0,6-1,5 Одличен 1,6-2,5 Многу добар 2,6-3,5 Добар 3,6-4,5 Доволен 4,6-5,5 Недоволен

Превземено од OAMTC

www.oeamtc.at/kindersitz
www.oeamtc.at/kindersitzests

 

Превземено од ÖAMTC

ПОВРЗАНИ СТАТИИ