Тестови на летни гуми 2024-ВО ГРАНИЧНАТА ОБЛАСТ

ШЕСНАЕСЕТ МОДЕЛИ НА ЛЕТНИ ГУМИ СО ГОЛЕМИНА 215/55 R17 ВО ТЕСТОТ ЗА ГУМИ НА ÖAMTC: МОДЕЛ НА ГУМИ ШТО НЕ ИМПРЕСИОНИРА САМО ВО ОДНОС НА БЕЗБЕДНОСТА ПРИ УПРАВУВАЊЕТО ТУКУ ИМА И ДОБАР ЕКОЛОШКИ БАЛАНС

ДОБРА СЕВКУПНА СЛИКА од тековниот тест на летните гуми од страна на ÖAMTC и неговите европски партнери: За ниту еден модел од 16 тестирани модели на гуми не мораше да се потврди дека има лоши перформанси. Три гуми ја постигнаа и ја добија оцената „добро“, а тоа се Continental, Michelin и Kumho. Дванаесет модели на гуми постигнаа и добија оцена „задоволително“, а еден модел на гуми мораше да биде оценет како „доволен“. Големината на гумата 215/55 R17 е стандардна димензија за покомпактни СУВ возила или возила од средна класа. VW T-Roc служеше како возило за тестирање.

ДИМЕНЗИЈА 215/55 R17 ЗА МАЛИ ТЕРЕНЦИ И ВОЗИЛА ОД СРЕДНА КЛАСА

Една гума особено се истакнува со своите перформанси: Continental Premium Contact 7. „Претходникот на овој модел веќе беше навистина добра гума“, вели Стефан Кербл, експерт за гуми на ÖAMTC. „Ако знаете колку се сложени истражувањето и развојот на пневматиците овие денови и колку е тешко да се постигне дури и мал напредок, перформансите на моделот на гуми Continental се особено високи. Во тековниот тест Premium Contact 7 моделот ги поставува стандардите и на суви и на влажни патишта и на тој начин обезбедува врвна оцена за безбедност при возење.

Сопирањето на влажен асфалт при брзина од 80 км/ч јасно покажува колку е голема разликата во растојанието при сопирање на влажен терен кај моделот Continental во споредба со другите модели. Неговиот настап јасно се истакнува. Дури и со втората најдобра гума во оваа тест дисциплина (зборуваме за Michelin), на VW T-Roc му требаат 2,6 метри подолго за да застане.

Тоа не звучи многу добро, но така е бидејќи T-Roc сè уште се движи со преостаната брзина од 23 км/ч со моделот на гуми Michelin, на она место каде што возилото веќе е застанато и стои со гумите Continental.

Има 6,6 метри растојание помеѓу моделот Conti и најлошиот резултат на сопирање на влажен терен со моделот на гума Godride – т.е. 35,1 наместо 28,5 метри. А во однос на брзината: при преостаната брзина од скоро 35 км/ч. ВО ТЕКОТ НА ГОДИНИТЕ во нашите тестови на гуми за критериум при возење не се сметаше само безбедноста, туку како критериум се разгледуваше и еколошката рамнотежа. Овој критериум е застапен и се мери со 30 проценти од вкупната оцена.

Во еколошкиот биланс се евидентира можната километража (колку километри гумата издржува до законската минимална длабочина на шарата), абењето на гумите, како и потрошувачката на гориво и тежината на гумата. Особено километражата може и треба да биде критериум при изборот и купувањето гуми. Разликите се над 40.000 км. За одредени возачи: тешко дека има смисла да се избере модел на гума со многу голема километража. Во тековниот тест Kumho е најдобар модел на гуми според овој критериум и помина речиси 60.000 км. Со годишна километража од 6.000 км со летните гуми (плус растојанието на кое се поставуваат зимски гуми), сетот гуми би траел десет години додека не се истроши. Сепак, стареењето на гумите со текот на времето би довело до потреба од неопходно купување нови гуми, дури и ако длабочината на шарата сè уште била во законските граници.

Ова значи дека Vredestein Ultrac, исто така, може да биде добар избор, иако го зазема последното место на тест полето и само е оценет како „доволен“. Ова е забележано на 27.200 километри. За некој што не вози многу често, дефинитивно тоа е алтернатива. А кога станува збор за безбедноста, тој нуди добри и безбедни карактеристики на возење и на суви и на влажни патишта и тука е во зелено.

Од трите гуми оценети како „добро“, Michelin се издвојува во однос на комбинацијата на безбедност при возење и еколошката рамнотежа. Primacy 4+, исто така, постигна добри оцени во оцената за животната средина и затоа е особено балансиран. Што се однесува до абењето на гумите, Michelin го постигна врвот на целото тест поле. Со само 48,1 грам абење на 1.000 километри, има помалку од половина од најлошиот модел на тестот.

Во овој контекст важно е да се знае: идниот стандард за емисии на патнички автомобили Euro 7 (се очекува да се применува од крајот на 2026 година) не само што ќе ги регулира издувните гасови од автомобилите, туку и абразијата на гумите и сопирачките, исто така, првпат ќе биде ограничена; точните гранични вредности допрва треба да се утврдат. И од јули 2028 година Еуро 7 ќе важи не само за возило како комплетен систем, туку и за новите гуми како посебна техничка компонента. ДРУГ еколошки аспект е потрошувачката на гориво. Разликите на полето за тестирање не се огромни, но сепак изнесуваат 0,3 литри на 100 км. Сепак: со поминати 40.000 километри, ова веќе резултира со разлика од 120 литри бензин, односно два до три полни резервоари. Најмала потрошувачка имаат Bridgestone, Hankook и Sail un.

НАПОМЕНА: За возачите што живеат во Австрија во области со малку снег, алтернатива може да бидат и гумите за сите сезони. Ќе има тест за ова во јулското издание на автотурнеи – во големина 205/55 R16 за компактната класа.

Тест на летни пневматици 2024: Димензии 215/55 R17
Евалуација на критериуми	Continental Premium Contact 7	Michelin Primacy 4 +	Kumho Ecsta HS 52	Debica presto U HP 2	Dunlop Sport Max RT2	Bridgestone Turanza 6	Fulda Sport Control 2	Hankook Ventus Prime 4
Ознаки на етикетата според производителот/ отпор при превртување/ адхезија при влага/надворешен звук	C/A/71 dB	B/A/70 dB	C/A/72 dB	C/A/71 dB	C/A/70 dB	B/A/70 dB	C/A/71 dB	B/A/69 dB
Безбедност при возење 70%	1,7	2.2	2.1	2.6	2.6	2.8	2.6	2.9
Суво 40%	1,6	2.0	1,8	2.5	2.1	2.7	2.4	2.5
Влажност 60%	1,7	2.4	2.3	2.6	2.6	2.8	2.6	2.9
Oценка за еколошка рамнотежа 30%	2,6	1.7	2.8	2.6	2.6	2.2	2.7	2.1
Километража 40%	1,0	1,0	0,6	2.5	2.4	2.1	2,7	1,9
Aбразија на гумата 20%	1,8	1.4	1,7	2.5	2.5	2.3	2.6	1,8
Eфикасност 20%	2,6	2.1	2.8	2.2	2,3	1.6	2,2	1,9
Бучава 10%	2,7	2.7	3,1	2.7	3.0	2,6	2.9	3,0
Oдржливост 10%	3,1	3.0	3.9	3.4	3.4	3.2	3.4	3.3
Вкупен резултат 100%	2,0	2.1	2.3	2.6	2.6	2.6	2.6	2.7
Препорака на ÖAMTC	****	****	****	***	***	***	***	***

Препорака на ÖAMTC: ***** = извонредни | ****= многу препорачливи |*** = препорачливи | **= препорачливи |* = препорачливи |

Тест на летни пневматици 2024: Димензии 215/55 R17
Евалуација на критериуми	Goodyear Eficient Grip Performance 2	Falken ZIEX ZE 310 Ecorun	Nexen N Fera primus	Goodride Solmax 1	Sailun Alrezzo ZSR 2	Semperit Speed Life 3	Linglong Sport Master	Vredestein Ultrac
Ознаки на етикетата според производителот/ отпор при превртување/ адхезија при влага/надворешен звук	B/A/70 dB	C/A/69 dB	B/B/70 dB	C/A/72 dB	B/A/69 dB	C/B/72 dB	C/A/69 dB	C/A/69 dB
Безбедност при возење 70%	3,2	2.7	3,1	3,0	3,1	3,5	3,5	2,3
Суво 40%	3,2	2,7	3,1	2,7	3,1	3,5	3,5	2,1
Влажност 60%	2.5	2.5	2.7	3,0	2,6	2.6	2,8	2,5
Oценка за еколошка рамнотежа 30%	1.6	3,0	2,7	3,1	2,9	2.0	2,9	3,8
Километража 40%	0.6	2.2	2,7	3,1	2,9	1,4	2,9	3,8
Aбразија на гумата 20%	1.6	2.2	2.3	2,8	2,6	2.1	2,2	3,3
Eфикасност 20%	1,9	3,0	2.2	2,4	2,2	2.2	2,5	2,3
Бучава 10%	2.8	3.0	2.9	3,0	2,7	2.9	2,5	2,8
Oдржливост 10%	3.3	3,9	3.4	4,2	4,2	3.1	4,2	3,5
Вкупен резултат 100%	2.7	2.8	3,0	3,0	3,0	3,1	3,3	3,8
Препорака на ÖAMTC	***	***	***	***	***	***	***	**

Индекс на брзина: сите гуми W (до 270 км/ч) освен Fulda, Linglong и Vredestein: Y (до 300 км/ч) Индекс на носивост: сите гуми 98 (= 750 кг) Пондерирање на критериумите: Безбедност при возење 70%: Суво 40% (удобност при возење 40%, ракување 40%, сопирање 20%), влажно 60% (сопирање 30%, надолжен аквапланинг 20%, попречно аквапланинг 10%, ракување 30%, странична поддршка 10%) Еколошка рамнотежа 30% : километража 40%, абење на патиштата 20%, ефикасност 20% (тежина на гумата 50%, потрошувачка на гориво 50%), бучава 10% (внатрешен шум 50%, надворешен шум 50%), одржливост 10%

ОЦЕНУВАЊЕ:

Препораката на ÖAMTC и рангирањето на моделите се заснова врз вкупната оцена, која е пресметана од пондерираните поединечни критериуми. Ако моделот постигне оцена полоша од 2,5 во поткритериум, оцената за главниот критериум (безбедност при возење или еколошка рамнотежа) повеќе не може да биде подобра од оваа оцена. Ако оцената за главниот критериум е полоша од 3,5, вкупната оцена повеќе не може да биде подобра од оваа оцена. Ако моделот постигне оцена полоша од 4,5 во поткритериум и под и главните критериуми, а со тоа и вкупната оцена повеќе не може да бидат подобри од оваа оцена. Овие правила не важат за поткритериумот за одржливост. Доколку вкупната оцена е иста, рангирањето се врши по азбучен ред според името на производителот.

Граници за оценката:

Превземено од ÖAMTC