Од компјутерска игра до вистински хипер купе кое развива речиси 1.000 КС и постигнува вртоглави забрзувања. Кога Мекларен пред неколку години излезе со соопштение дека автомобилот од компјутерската игра еден ден ќе излезе на асфалтот, сите мислеа големиот Мекларен се подбива со новинарите.
Во меѓувреме јавноста подзаборави на тоа што изјави Мекларен, а децата (и возрасните) продолжија да го возат автомобилот на своите компјутери. И по четири години развој, во петтата Мекларен го претставува хипер купето, едноседот „солус гт“. Јавноста беше малку изненадена и со чудење ја прими веста за светската премиера на моделот „солус гт“ на калифорниското крајбрежје на манифестацијата Монтереј Кар Вик. Тежина на купето само 1.000 кг, мотор не тој познатиот V8, туку 5,2 литарски V10 кој развива точно 829 КС при 10.000 врт/мин. Крајната брзина е над 320 км/ч, а од 0 до 100 км/ч потребни му се 2,5 секунди. Сета таа силина се пренесува на задната оска преку седум степен секвенцијален менувач.
Аеродинамиката е до таа мера „испеглана“ така што во дадени мигови се појавува дополнителен потисок од дури 1.200 кг.
Благо кажано, автомобилот е еден вид болид само што е покриен, сличен на прототиповите од 24 часа Леман. Едносед со материјали и технологија позајмени од формула 1, тоа е „мекларен солус гт“. Најавено е производство на 25 примероци и веќе сите се распродадени. Цената е непозната, засега. Од играчка Мекларен си направи вистински купе автомобил. Така е кога некој умее да ги среди нештата како што треба.
ТОП НОВОСТИ
