Производителот на купе и отворени (роудстери) автомобили Висман е премногу ретка ѕверка во светот на четири тркала. Затоа заслужува должно внимание при секое негово појавување во јавност. Микропроизводител на луксузни рачно правени автомобили со најдобри материјали што постојат на планетава, тоа е дефиницијата за Вајсман. По осумгодишна пауза Висман повторно е пред светската јавност, но сега со нов сопственик. За жал, браќата Висман имаа потешкотии во работењето и беа принудени да ја продадат компанијата.
Новиот сопственик сака да биде со современите текови во светот и претстави целосно електрифициран роудстер „висман проект тандербол“. Името кажува сè, „тандербол“ или во превод на македонски, гром во облик на топка (топчест гром), инаку многу ретка метеоролошка појава. Новиот модел е целосно електрифициран роудстер со погон на задните тркала. Автомобилот во себе има огромни 680 КС и 1.100 Нм максимален вртежен момент. Постигнува брзина од 100 м/ч за 2,9 секунди што е повеќе од успех затоа што тежината на автомобилот е 1,7 тони или на една коњска сила 2,5 кг.
Со едно полнење на 800 волтна батерија автомобилот изминува 500 км според официјалните извештаи на производителот. „Висман проект тандербол“ ќе се произведува во ограничена серија од само 1.000 примероци, но продажбата нема да биде ограничена, ќе се одвива насекаде во светот. Следниот модел за сериско производство е „проект геко“, исто така роудстер, но со класика од мотор (со внатрешно согорување). Да спомнеме, овие мотори Висман ги позајмува од БМВ. Цена, 300.000 евра.
ТОП НОВОСТИ
