Нешто многу занимливо се случува на Далечниот Исток. Пазарот е запрепастувачки голем, како по површина така и по население. Не се само Кина и Индија во прашање, туку и околните држави. Затоа слободно можеме да кажеме дека тој автомобилски пазар брои над 3,5 милијарди жители. Тојота заедно со СузукиИндија, односно Марути Сузуки решија да произведат мало „сув“ возило. Официјално, Тојота го претстави малиот сув во првата недела од месец април и го нарече „урбан крузер тајсор“ (или „тејсор“), односно новиот модел од Тојота не е ништо друго туку „сузуки фронкс“.
Со заеднички сили ќе настапуваат во Индија каде беше светското претставување, но и во Бангладеш, Пакистан, Шри Ланка и останатите, а подоцна продажбата ќе се прошири во земјите на Блискиот Исток и во Африка во ЈАР. Нема да биде чудно ако продажбата се прошири низ цела Африка. Неговата цена е супериорна, само 8.650 евра за основниот модел. За толку пари ќе се продава во Индија. Што добивате за тие пари? Димензии: должина 3.995 мм, ширина 1.765 мм, висина 1.550 мм и 2.520 мм растојание меѓу оските. Сосема доволно за „тојота урбан крузер тајсор“ да биде солидно семејно возило. Палетата од погонски единици е составена од: 1,2 л атмосферски мотор со 90 КС и 1,0 л турбо со умерена хибридна технологија и 100 КС.
Покрај овие два бензински мотори, постои уште еден, поточно тоа е истиот 1,2 л, но како гориво користи природен гас. Останатото е класика како и кај сите други основни моделиод било која марка – четири воздушни перничиња, „абс“ со „ебд“ и „есп“, „ба“, помош при тргнување на нагорнина и слично. Отприлика таа е основната опрема и сето тоа за помалку од 9.000 евра. Сега си го поставуваме прашањето дали Тојота ќе го продава моделот „урбан крусер тајсор“ и на континентов и по оваа супер цена од 8.600 евра?
ТОП НОВОСТИ
