Италијанската автомобилска индустрија повторно сака да го разбранува светот, не со обичен автомобил, туку со уште една егзотика и тоа од тие врвните наречени хипер автомобили. Најавата стигнува од Рим од малата компанија Ангелели Автомобили основана од Давиде Ангелели во 2015 година. Досега оваа компанија нема направено автомобил, односно хипер купето ќе биде нејзин првенец како што нагласува сопственикот.
Новата егзотика е наречена „суперперформанте д – уан“. Ни повеќе ни помалку туку хипер автомобил за почеток со крајна брзина од над 500 км/ч. Сега збориме за најмоќната изведба со 4,8 литарски V8 мотор на задната оска и уште два електромотори за тркалата од предната оска. Вкупно 1.350 КС и забрзување од 0 до 100 км/ч за 1,9 сек. Има и изведба со V6 мотор, но оваа не е толку многу „занимлива“ како таа со V8 мотор.
Хибриден погон, класичен бензински со двоен турбо компресор плус електромотори и тое е еднакво на премногу коњски сили.
Да не одиме во детали, перформанте д – уан“ е сѐ уште само замисла и постои само во компјутерите на Давид Ангелели. Сопственикот на компанијата сака да биде рамо до рамо со Мате Римац и неговата „невера“. Ние му посакуваме успех, а што понатаму ќе се случи ќе дознаеме во годиние кои доаѓаат. Сепак светот оди напред иако тоа понекогаш постои само во компјутерите. Но не заборавајте, денес компјутерите го движат светот напред со голема брзина.
ТОП НОВОСТИ
