Светот отсекогаш трчал по големи крајни брзини, но денес се натокмиле да уриваат брзински рекорди како никогаш досега. Ќе биде занимливо да видиме до кога Мате Римац со неговата „невера“ ќе им одолева на конкурентите.
Најновиот болид кој е во подготовка и треба да биде претставен наредната година доаѓа од Нов Зеланд, а е наречен „робин ф зеро“. Марка непозната за пошироката публика, но и за тие на кои автомобилите им се страст. Екстремно ниската тежина од околу 800 кг е постигната со употреба на карбонски влакна и делови изработени со 3 д режачи. Моторот е V10 со зафатнина од 4,0 литри, со двоен турбо компресор, но и електричен погон со кој болидот ќе постигнува 1.159 КС. Одговорните велат овој болид ќе биде дури и побрз од тие што се сега во формула 1.
Едноседот „робин ф зеро“ ќе биде произведен во 27 примероци, но цената не е обелоденета – отприлика ќе биде милионска со оглед на материјалите од кои е изработен болидот. Овој проект датира од 2019 година, а како што спомнавме светската премиера е закажана за наредната година без прецизирање на месец и датум.
ТОП НОВОСТИ
