Сега имаме нов кросовер од Рено, но во мини издание и сè уште е концепт, но наскоро ќе биде сериско возило затоа што неговиот дизајн е драстично поблиску до сериски автомобил отколку некој концепт со многу напреден дизајн. Концептот за првпат беше претставен во Индија и според изјавите на производителот компактниот сув засега ќе се продава исклучиво таму. Според должината која е некаде под четири метри и според изгледот кој многу потсетува на европските видувања за дизајнот, концептот „рено кигер“ може да биде пренесен како сериски на континтов, но и надвор од него. Можеби ќе се појави под друго име, како на пример Дачија.
Спомнавме дека возилото е од тие за забава (сув) така што првенствено е намeнето за младата популација во урбаните срeдини. Но, има и нешто не толку својствено, а тоа е неговата најниска точка мерено од подлогата, растојанието изнесува изненадувачки големи 210 мм, несвојствено за овој вид возила. Дали тоа значи дека концептот „рено кигер“ е наменет и за излети надвор од асфалтот? Сè е можно, а уште поинтересно ќе звучи ако возилото добие погон на сите тркала. И пред да минеме на погонските единици, да ја спомнеме модуларна платформа „цмф а+“ на која се „потпира“ концептот „кигер“.
„Рено кигер“ ќе биде задвижуван од два трицилиндрични мотори со работна зафатнина од 1,0 литри. Едниот е атмосферски со 72 КС со погон на предната оска и пет степен обичен менувач, а како опција ќе се нуди автоматизирана но обична менувачка кутија. Покрај атмосферскиот ќе се вградува и турбо мотор со исто толкава зафатнина, само што овој има 95 КС. Не е објавена цената, а уште помалку кога концептот ќе мине во сериско производство. Ако серискиот модел се огледа на концептот, тогаш Рено ќе го „растури“ од продавање посочениот модел.
ТОП НОВОСТИ
