На почетокот на јуни во салонот на Škoda, официјално беше претставен новиот член на семејството на Škoda – новиот модел, „Scala“. Овој нов модел на чешкиот производител комплетно го редефинира сегментот за компактен семеен автомобил, а во понудата на Škoda се позиционира помеѓу Fabia и Octavia, заменувајќи го моделот Rapid кој завршува со своето производство.
Името „Scala“ претставува латински збор кој означува скалила, што според Škoda го означува големиот напредок и исчекор во компактниот сегмент. Инкорпорирајќи нова технологија, емотивен дизајн, високо ниво на функционалност и конективност, новата Scala ја поставува новата основа во компактниот сегмент.
Дизајнерски Škoda Scala ја претставува следната фаза од еволуцијата на дизајнот на компанијата, со истакнати безвременски, софистицирани, скулпторски форми и динамични детали. Истиот се темели на концептот VISION RS и се карактеризира со прецизни и динамични линии, извонредна интеракција на светлината и сенките и уметнички тродимензионални форми претставени пред сè со впечатливата предна решетка и задните стоп-светла.
Внатрешноста на Škoda Scala освен што е препознатливо пространа и комфорна, отсега импресионира и со добро осмислена модерна ергономија и емотивно осмислен дизајн. Во внатрешноста се истакнуваат квалитетните и меки материјали и огромниот 9,2” дисплеј. Секако Škoda Scala е вистинска Škoda што значи дека секогаш нуди највеќе простор за патниците и огромен багажник.
Безбедноста на патниците во Škoda Scala доаѓа во сериска опрема со напредните безбедносни системи. Škoda е добро позната по своите т.н. Simply Clever практични решенија. Новата Scala не е исклучок на ова, содржејќи повеќе интелигентни функционалности кои го прават секојдневието полесно за возачите. За почеток на македонскиот пазар, Scala ќе се нуди со два турбобензинци со 1.0 литарски мотор и 95 или 115 коњски сили со мануелен или DSG автоматски менувач и еден турбодизел 1.6 литарски кој испорачува 115 коњски сили и може да има мануелен или DSG автоматски менувач. Додека најмоќниот 1.5 литарски турбобензинец со 150 коњски сили ќе биде достапен од октомври. Почетната цена на новата Skala со послабиот бензински агрегат изнесува 14.560 евра и оди до 22.310 евра за најопремениот дизел модел со DSG автоматски менувач.
Миле Станчев – Бренд Менаџер на Škoda, во своето обраќање кон новинарите изјави: – Би сакал да истакнам дека Škoda Scala е најважниот модел за брендот Škoda на Македонскиот пазар, затоа што нуди најголема вредност за вложените пари. Отсега и нашите купувачи ќе може да добијат модерен, просторен, технолошки напреден и безбеден автомобил за цена далеку поприфатлива споредено со директните конкуренти во компакт класата. •
ТОП НОВОСТИ
