Ролс Ројс е познат во светот по врвниот луксуз и беспрекорната удобност, безмалку како да е дневна соба со фотелји. Брзината никогаш не му била во преден план, но овој пат конструкторите отидоа дотаму да ја претставуваат брзината како нешто многу битно за лимузината со двојното „р“. „Ролс ројс спектр блек баџ“ има електричен погон и за да му покаже на светот дека не е само луксузот во прашање, конструкторите вградуваат погон со силина од 659 КС, додека максималниот вртежен момент изнесува огромни 1075 Нм.
Лимузината постигнува 100 км/ч тргнувајќи од место за 4,2 сек. Овие бројки велат дека „ролс ројс спектр блек беџ“ е најбрзиот „ролс ројс“ откако постои компанијата. Сепак возачот треба да го вклучи режимот на работа наречен „инфинити“ за автомобилот да ги покаже брзинските способности.
Ете добивме претеран луксуз со скоро молскавична брзина. Покрај брзината производителот го нагласува „небото“ во овој автомобил кое има околу 5.000 ѕвезди. Внимавале тие од Ролс Ројс на сѐ, дури и на најситните детали. Цена? Не е битна цената, тие што купуваат ваква изведба не прашуваат колку чини, туку прашуваат кога автомобилот ќе биде испорачан.
ТОП НОВОСТИ
