Крај на февруари и почеток на март e идеално врeме за светска премиера на отворени автомобили. Масерати како да сака да ги потсети купувачите од континентов дека сега е вистинскиот миг за купување кабриолет, затоа што подготвени ќе ги пречекаат пролетните и летни сончеви денови.
Многу почитуваниот модел на Масерати, „гт“ (гран туризмо), беше претставен на крајот од 2022/2023. Од него конструкторите сега направиле и кабриолет, а зошто да не кога од претходната генерација се направени повеќе од 11.500 примерци. Автомобилот тежи 1.895 кг, што е сосема солидно за автомобил со два реда седишта, погон на сите тркала, автоматски менувач со двојна спојка (од марката ЗФ), но и воздушно обесени тркала. Како што нагласува производителот и задните седишта се употребливи, односно се седи сосема удобно и на долги патувања. Значи „масерати гт“ не е кабриолет со 2+2 седишта, туку со четири и со солиден багажен простор од 320 л. Да не зборуваме за тоа колку е квалитетна изработката, за материјалите како на пример кожата, затоа што сето тоа е доведено до перфекција и нема потреба да објаснуваме каква опрема има во „масерати гт кабрио“. Кога велат дека автомобилот ќе чини околу 200.000 евра, ви станува јасно сѐ за и околу опремата и материјалите.
Важно е човек да ужива не само во автомобилот туку и во специфичниот звук на моторот, толку препознатлив за оваа марка. А за такво нешто кабриолетот како да е порачан мотор „нетуно“ посебно подготвуван за „масерати мц 20“ (2020 год). 3,0 л V6, двоен турбо полнач и 550 КС, 650 Нм, од 0 до 100 км/ч за 3,6 сек. и крајна брзина од 316 км/ч. Ако заврне, тогаш ќе морате да ја намалите брзината под 51 км/ч за покривот да го затвори патничкиот оддел за време од само 14 секунди.
ТОП НОВОСТИ
