ВИЕ КОИ СТЕ ПОКЛОНИЦИ НА ЛИМУЗИНИТЕ, ЕВЕ ПРИЛИКА ЗА ВООДУШЕВУВАЊЕ, МАСЕРАТИ ЈА НАЈАВУВА СЕДМАТА ГЕНЕРАЦИЈА ОД НЕГОВАТА ЛИМУЗИНА КОЈА ЈА НАРЕКУВА „КВАТРОПОРТЕ“ – ЧЕТИРИ ВРАТИ. Е СЕГА, ЛИМУЗИНАТА НЕ Е ОД ТИЕ ОБИЧНИТЕ ТУКУ СИ ВОДИ КОРЕНИ ОД НАЈБРЗИОТ „ЦИРКУС“ ИМЕНУВАН КАКО ФОРМУЛА 1. ТОА ЗНАЧИ ДЕКА ЛИМУЗИНАТА ОД МАСЕРАТИ, „КВАТРОПОРТЕ“ Е СО СПОРТСКИ ДУХ И Е НАМЕНЕТА ЗА ЉУБИТЕЛИТЕ НА АВТОМОБИЛИТЕ КОИ ПОВЕЌЕ ИМ ВЕРУВААТ НА „НЕРВОЗНИТЕ“ МОТОРИ И АГИЛНИТЕ СИСТЕМИ ЗА УПРАВУВАЊЕ.
Дизајнот е подобрен во однос на претходната изведба, посебно задниот дел, но и севкупно се приметуваат измените и тоа на подобро. Затоа извештајот наменет за новинарите почнува со: „класичен пример на автентичен италијански дизајн“. Првата генерација се појавува во 1963 година, а дизајнер е Пијетро Фруа. Оттогаш се изминати 55 години, а моделот сè уште опстојува.
Во новиот „кватропорте“ се вградуваат следниве погонски единици: 3,8 л V8 со двојна турбина и 530 КС, 3,0 л. V6, исто така, со двојна турбина кој развива 437 или 354 КС во зависност од тоа како се „навиени“ турбините и на крај за тие што сакаат да штедат имаат на располагање турбо дизал V6 мотор со зафатнина од 3,0 литри и 279 КС. Останатото во лимузината е луксуз, луксуз и луксуз, но и висока технологија.
ТОП НОВОСТИ
