Луксузната дивизија на Тојота, именувана како Лексус, на саемот во Јапонија (Јапан Мобилити Шоу) се претстави со концептите „лф – зц“ и „лф – зл“. Имињата на концептите всушност се кратенки – „лф – зц“ (лексус фјучр зиро емишн каталист) и „лф – зл“ (лексус фјучр зиро лакшари).
Веднаш се приметува успешниот дизајн и ниту едно око не можеше да му одолее. Затоа ќе кажеме дизајнерите многу добро ја завршиле работата, дури и повеќе од тоа. Покрај дизајнот, Лексус во тие концепти ја има вградено својата најнова технологија. Јапонскиот производител на автомобили кои веќе седум години по ред ја освојуваат титулата за најквалитетни возила во светот, сака до 2035 год. целосно да премине на електричен погон. Токму овие два концепти се мостот преку кој ќе оди Лексус кон целосната електрификација.
Концептот „лф – сц“ е предвиден да влезе во сериско производство во 2026 год. Комби лимузина за секој ден, односно повеќе лимузина отколку комби. Денес ваквите облици се во мода, така што облиците се мешаат, имаат и од едното и од другото. Концептот кој за некоја година ќе се произведува поседува 4.750 мм во должина, 1.880 мм во ширина и 1.390 мм во висина, додека предната оска е 2.890 мм оддалечена од задната. Четири врати, многу простор за патниците, голема удобност и сето тоа добиено во ергономска кабина. Другиот концепт, „лф – зл“ за кој производителот не се изјасни дали и кога ќе влезе во производство, е малку поголем. Долг е 5,3 м, широк 2,02 и висок дури 1,7 м, а оските се наоѓаат на растојание од големи 3,35 м. Овој концепт е олицетворение на удобност и луксуз за кој Лексус ќе треба дополнително да даде отчет. Ете како Лексус тргнува кон целосна електрификација на своите производи на четири тркала.
ТОП НОВОСТИ
