| ЧИТАЈ | СЛУШАЈ | ГЛЕДАЈ |
|
„ЛЕЈЛА“ |
„FOSSORA“ BJÖRK |
„LUCKIEST GIRL ALIVE“ (НАЈСРЕЌНАТА ДЕВОЈКА НА СВЕТОТ) |
 |
 |
 |
| Романот „Лејла“, од број еден авторката на бестселери на „Њујорк тајмс“ – Колин Ху- вер, го истражува животот по трагедијата и неуништливиот дух на љубовта. Кога Лидс ја запознава Лејла уверен е дека со неа ќе го помине остатокот од животот – сè додека не доживуваат неочекуван напад што таа едвај го преживува. По неколку не- дели во болница, Лејла закрепнува телесно, но емоционалните и менталните лузни ја менуваат жената во која се вљубил Лидс. Сакајќи да ја спаси нивната врска, Лидс ја носи во пансионот во кој се запознале. Но, кога ќе стигнат таму, нивниот однос доживува чуден пресврт. А, тоа е само една од многуте необјасниви појави. Чувствувајќи дека се оддалечува од Лејла, Лидс набрзо пронаоѓа утеха во Вилоу – уште една гостинка во пансионот со која го поврзуваат заеднички проблеми. Како што расте интересот на Лидс за Вилоу, неговата одлука да й помогне да најде одговори го доведува во опасност здравјето на Лејла. Лидс набрзо сфаќа дека мора да избира меѓу Лејла и Вилоу, бидејќи не може да им помогне на двете. Но, доколку донесе погрешна одлука, тоа би можело да биде погубно за сите. | Десеттиот студиски албум на исландската пејачка се промовира на 30 септември од страна на издавачот „One Little Independent Records“, а неговото снимање се одвиваше во текот на вирусната пандемија. Тематски, „Fossora“ говори за тагата и осамувањето по загубата на мајка й Hildur Runa Hauksdóttir во 2018-та. Целта на издавањето не е комерцијална, туку спомен за неа, иако се пушта на радијата во Британија и САД, а се наоѓа и на топ-листите. Нормално, албумот се најавуваше со чети- рите синглови: „Atopos“ (заедно со Kasimyn, на 6 септември), „Ovule“ (на 14 септем- ври), „Ancestress“ (со синот – Sindri Eldon, на 22 септември) и „Fossora“ (заедно со Kasimyn, 27 септември). Останатите песни, девет на број, се „Mycelia“, „Sorrowful Soil“, „Fagurt Er í Fjörðum“, „Victimhood“, „Allow“ (со Emilie Nicolas), „Fungal City“ (заедно со Josiah Wise, познат како „serpentwithfeet“), „Trölla-Gabba“ (со Kasimyn), „Freetfall“ и „Her Mother’s House“ (заедно со ќерката – ĺsadóra Bjarkardóttir Barney). Таа е авторка и на музиката и на текстовите, со исклучок на три, сосема различни. Насловот на албумот има преносно, метафорично значење – жена копач. Во снимањето на „Fossora“ учествуваше и секстетот „Murmuri“ (бас кларинетисти) и танцовиот пар од Индонезија – „Gabber Modus Operandi“, за видеозаписот. | Филмот е копродукциски, заедничко производство на Америка и Австралија. Премиерата се одржа на 7 октомври, а претходно, на 30 септември се прикажуваше во селектирани киносали. Сценариото е на Jessica Knoll, авторката на истоимената новела од 2015-та, на која и се базира. Се работи за триесет и осумгодишна уредничка на женски магазин во Њујорк – Тифани „Ани“ Фанели, доста ценета во новинарските кругови, со навидум совршен живот што, пак, се разбранува за време на подготовката на венчавањето со момчето, откога ќе се сретне со режисерот на документарци, кој сака да снима за пукањето во средното училиште каде што се школувала како тинејџерка. Соочувањето со минатото ќе ја натера да се преиспита себеси за одлуките кои ги донела на училишна возраст. Филмот трае сто и тринаесет минути. • Жанр: мистерија, трилер Актери: Mila Kunis, Chiara Aurelia, Finn Wittrock, Scoot McNairy, Thomas Barbusca, Jennifer Beals, Connie Britton Режија: Mike Barker. |
ТОП НОВОСТИ
