АКО ВО ДИРЕКТНИ ДУЕЛИ ХАМИЛТОН ПОКАЖАЛ КВАЛИТЕТ НА НИВОТО НА АЛОНСО И БАТОН, РОЗБЕРГ ЌЕ ОСТАНЕ КАКО РЕПЕР ЗА ДРУГИТЕ НЕГОВИ ТИМСКИ КОЛЕГИ КОИ НЕ УСПЕАЛЕ ДА СЕ НАЈДАТ НА ПОДОБРО МЕСТО ВО ПЛАСМАНОТ НА КРАЈОТ ОД СЕЗОНАТА. ОД ЕДНА СТРАНА, РОЗБЕРГ РИЗИКУВАШЕ ДА ОСТАНЕ СЛАБО РЕЈТИНГУВАН НА ВЕЧНАТА ЛИСТА, НО ОД ДРУГА СТРАНА, ТОЈ СЕКОГАШ ПОТЕНЦИРАШЕ ДЕКА НЕГОВИОТ УСПЕХ ТРЕБА ДА СЕ МЕРИ ДЕКА Е ЗАБЕЛЕЖАН ПРОТИВ ЛУИС. АКО НЕКОЈ СЕ СОМНЕВАШЕ ВО НЕГОВИТЕ ЗБОРОВИ, СЕГА Е ВИСТИНСКИ МОМЕНТ ДА БИДЕ ПОТСЕТЕН ЗА ТОА.
Луис Хамилтон ја доби битката со Себастијан Фетел за освојување на петтата шампионска титула, во ситуација кога покрај нив на патеката возеа уште две поранешни шампионски имиња, Алонсо во Мекларен и Раиконен во Ферари. Сето тоа остава печат на крајниот резултат, бидејќи секој успех се цени во околностите во кои е постигнат, што на пример често му се забележуваше на Михаел Шумахер, бидејќи првите успеси ги постигна во услови кога немаше ниту еден светски првак на патеката.
Луис Хамилтон е познат како голем почитувач на Аиртон Сена и дури и во некои свои поранешни интервјуа има изјавено дека три шампионски титули се извесен репер дека некој од тие светски прваци навистина бил посебен. Со пет шампионски наслови крај своето име, Хамилтон се престигна самиот себе во своите соништа, испишувајќи нова историја во спортот. Неговата приказна е навистина уникатна, речиси на ниво кое може да се спореди со приказната за Пепелашка, имајќи го предвид потеклото на неговото семејство кое се доселило во Велика Британија од Гранада, а потоа и како прво црномуресто момче кое успело да стигне до највисокото ниво на трки во Формула 1, благодарение на поддршката од Рон Денис и Мерцедес. Успесите на Хамилтон отвораат нова дебата во смисла кој би можел да се споредува со него и која е неговата ултимативна вредност, дали може да биде подобар од Шумахер, или, пак, ќе остане без можноста за напад на неговите рекорди?
Мојата лична анализа е дека тој уште на своите почетоци покажа невидена рафинираност возејќи покрај Алонсо и успевајќи да одржи исто ниво со него. Со текот на годините ферски е да се очекува дека и самиот тој напреднал во смисла на собирање искуство и знаење, како и формирање на друг ментален и психички склоп, отколку како млад дебитант. На хартија, во 2007 година тој беше поразен за титулата од Раиконен, во 2009 година од Батон, а од 2010 до 2013 од Фетел. Единствено Нико Розберг беше подобар од него како тимски колега во 2016 година. Германецот беше два пати поразен во тесни битки од Хамилтон (2014 и 2015), па кога конечно излезе од тој дуел како победник, реши воедно да стави и крај на својата кариера. Ако во директни дуели Хамилтон покажал квалитет на нивото на Алонсо и Батон, Розберг ќе остане како репер за другите негови тимски колеги кои не успеале да се најдат на подобро место во пласманот на крајот од сезоната. Од една страна, Розберг ризикуваше да остане слабо рејтингуван на вечната листа, но од друга страна, тој секогаш потенцираше дека неговиот успех треба да се мери дека е забележан против Луис. Ако некој се сомневаше во неговите зборови, сега е вистински момент да биде потсетен за тоа.
Со повлекувањето на Батон, Розберг и Алонсо, како и дерогирањето на Раиконен од Ферари во Заубер, Фетел останува единствениот шампион кој може да му се спротивстави на Хамилтон, а сите други надежи (за оние кои немаат верба во Фетел) одат кај новите млади возачи: Ферстапен, Леклер или мо- жеби Гасли? Би рекол дека Фетел можеби го „фаќа“ последниот воз за да го спаси своето реноме, бидејќи новата генерација на возачи веќе полека но сигурно „го пече занаетот“ и тој може наскоро да се најде на маргините. И нему и на Ферари, титулата му е попотребна од кога и да било. Сè што е спротивно на тоа отвора врати за продолжена доминација на Хамилтон, која (ако продолжи вака) ќе значи дека кога тој ќе се повлече, на патеката нема да има други светски прваци. Дали тоа ќе биде ултимативниот репер за неговата големина? Веројатно да. Дали е тоа во интерес на спортот? Можеби не, но сепак крајната желба на фановите е секогаш да има интересни трки и да победуваат најдобрите.
ТОП НОВОСТИ
