Италдизајн тргнува да прави автомобили со свое име и вели „Ние сме подготвени да направиме нешто поразлично“. Не на Салонот за автомобили во Детроит, туку во Лас Вегас на саемот ЦЕС, Италдизајн премиерно го претстави електричниот концепт „квинтесенца“, комбинација од пикап и купе со 2 + 2 седишта. Има четири погонски единици за секое тркало по една и се разбира погонот е на сите тркала. Таа четворка прави вкупно енормно големи 2.140 КС, многу повеќе од кој било болид во формула 1. Што е многу, многу е. Тие „+2“ седишта не се како вообичаено досега, без доволно голема удобност, туку може да се отстранат затоа што влегуваат во товарниот простор и по потреба да се вратат.
Покрај концептот, Италдизајн наскоро ќе отвори ново главно седиште за тој дел од светот. Ќе биде лоцирано во близина на Детроит каде ќе бидат вложени 20 милиони долари, а ќе бидат вработени 25 лица.
Не е познато дали концептот воопшто ќе мине во сериско производство, но едно е сигурно, дизајнот ќе послужи како идејно решение за идните возила наменети за сериско производство. Инаку да потсетиме, студиото Италдизајн веќе шест десетлетија работи на дизајнот од автомобилите и нивно производство. Мора да причекаме за да видиме што точно подготвува Италдизајн. Дизајнерското студио беше основано од Џ. Џуџаро, а многу подоцна купено од Ламборџини (90 отсто) и Ауди (10 отсто). Денес и Ламборџини и Ауди се во сопственост на Фолксваген Груп.
ТОП НОВОСТИ
