GREEN NCAP ГИ ОБЈАВИ ТРЕТИТЕ И ПОСЛЕДНИ РЕЗУЛТАТИ ЗА ГОДИНАВА, СО ТРИ ВОЗИЛА ТЕСТИРАНИ ВО ЛАБОРАТОРИИТЕ И ВОЗАЧКИТЕ ТЕСТОВИ НА GREEN NCAP. ARONA, МАЛИОТ КРОСОВЕР НА SEAT ДОБИ 4 ЅВЕЗДИ ВО СВОЈАТА 1.5 TSI ФОРМА. SKODA OCTAVIA TDI DSG, ДОБИ ЕДНА ЅВЕЗДА ПОМАЛКУ, ДОДЕКА FIAT PANDA СО CNG МОДУЛ ДОСТИГНА САМО ДВЕ ЅВЕЗДИ.
SEAT Arona, малиот бензински SUV е шампион во оваа серија и постигна скоро комплетни оценки за Чист Воздух, со индекс 9,8 од можни 10. Но со индекс на Енергетска Ефикасност од 6.1, вкупниот резултат на Arona е лимитиран на четири ѕвезди. Сите тестови беа адекватни, освен патниот тест со висок товар, каде ја изгуби петтата ѕвезда. Сè на сè високи перформанси во овие Green NCAP тестови.
Третата генерација на Skoda Octavia, тестирана со 110 KW 2.0 дизел мотор е просечен натпреварувач. Со рециркулација на издувните гасови, катализатор со селективна редукција и дизел партикуларен филтер, Octavia достигна три ѕвезди за Чист Воздух и Енергетска Ефикасност.
Последно тестирано возило беше FIAT Panda, претходно тестирано како Еуро 6-б верзија во бензинска варијанта, а сега како 6-д дуална форма: со компресиран природен гас и бензин. FIAT очекува возилото да биде возено најголемиот дел од времето на гас, и на овој вид гориво возилото покажува адекватни резултати. Но со релативно голем резервоар од 35 литри, Panda беше тестирана и на овој секундарен вид на гориво и покажа недостатоци. Контролата на некои загадувачи, најповеќе партикуларни честички се покажа слаба во бензинскиот модул и индексот на Чист Воздух падна на две ѕвездички и влијаеше на генералниот резултат. Енергетската ефикасност беше подобра, со индекс од 4.9 ги постигна критериумите за три ѕвездички. За повеќе информации, посетете ја: www.GreenNCAP.com.
ТОП НОВОСТИ
