Типична класика од мотор со 12 цилиндри, направен дел со сопствени сили, а дел со помош на Косворт, без турбо компресор се врти до 11.000 во една минута и произведува 608 КС. Чиста сирова силина, извор на звук кој воодушевува, изведувач на симфонија наречена „V12 со атмосферски притисок“. За да се слушне симфонијата како што треба, мора да биде „топ лес“, односно возилото мора да биде без покрив за машината да „свири“ точно на увце. Кога на ова ќе го додадеме и обичниот менувач со шест степени, тогаш можете да си замислите што прави најновото чудо од мајсторот Гордон Мјуреј (или Мареј) наречено „т 33“. Г. Мјуреј, инаку, има работено „малку“ во формула 1 во тимот на Бребем, потоа и во Мекларн, им правеше болиди, а на Форд во 1972 год. му има направено болид од класата прототиови „лм“ (за серијата Леман и трката 24 часа Леман).
И „мекларен ф1“ е негов, болид со регистарски таблички. Тој многу добро умее да „навитка“ мотор и притоа да биде пријатен за уво. Целото име на новиот отворен модел е „гордон мјуреј т 33 спајдер“ и претставува продолжение од класичното купе „т 33“, така барем сите велат, но конструкторот Г. Мјуреј не се согласува со претходно наведеното затоа што супер автомобилот во фаза на прототип првично е правен да биде без покрив. Отворената конструкција секогаш е многу поцврста од класично купе. Според строгите правила при конструирање кабриолет (спајдер или спидстер), шасијата и основната конструкција се беспрекорно цврсти и воедно еластични за да може истата да ги впива вибрациите при возењето.
Затоа разликата во тежина е скромни 18 кг, тоа значи дека спајдерот не бил наново конструиран, туку сѐ било претходно подготвено – само покривот е отстранет. За намалување на килограмите од спајдерот, Г. Мјуреј го заменил класичниот покрив, „тешкиот“, што го има речиси секој кабриолет (спајдер), со два карбонски панели кои лесно се „губат (исчезнуваат)“ во делот зад седиштата. И покрај првите официјални вести од производителот сепак не беа објавени ни основните технички податоци, а не, пак, целосните. Сепак радува податокот за тежината, само 1.108 кг сува тежина и 608 КС, подобро од овој сооднос побарајте во гаражата на формулите.
Според добрите познавачи „гордон мјуреј т 33 спајдер“ е способен да постигне крајна брзина од над 320 км/ч, додека забрзувањето од 0 до 100 км/ч сѐ уште е непознато. За жал, вакви автомобили се реткост и им претстои целосно исчезнување, затоа „гордон мјуреј т 33 спајдер“ е еден од последните самураи.
Ќе бидат произведени само 100 примероци, иста бројка како во претходните модели, со тоа што продажбата е најавена за 2025 или една година подоцна, 2026. Цена? Таа не е во игра, познато е кои се клиентите на ваквите автомобили, нив не ги интересира цената.
ТОП НОВОСТИ
