БРИТАНСКАТА МАНУФАКТУРА, ОСНОВАНА ВО 1919 ГОДИНА, ПРЕД КУСО ВРЕМЕ ГО ПРЕТСТАВИ 2022 BENTLEY FLYING SPUR MULLINER, ЛУКСУЗНИОТ СЕДАН ВО СЕРИСКОТО ПРОИЗВОДСТВО СО ПРЕФИКСОТ НАЈ. ИМЕНО, СЕ РАБОТИ ЗА ВРВЕН АВТОМОБИЛ ШТО Ѝ ПРИПАЃА НА FLYING SPUR ФЛОТАТА, НА КОЈ НЕ МОЖАТ ДА МУ ОДОЛЕАТ НИ ОНИЕ ШТО ПРЕБИРААТ МНОГУ
Во рамките на калифорнискиот Monterey Car Week, од 5 до 15 август 2021 год., го имаше своето деби, а посетителите се воодушевија од неговите детали што се карактеризираат со ексклузивност и од можноста да се приспособува, кои се дело на стилското и coachbuilding одделение во Bentley Motors Limited. Почнувајќи од екстериерот, на предниот дел од автомобилот доминира уникатна решетка со двоен дијамантски дезен.
Flying B украсот (маскотата) на хаубата е депониран електронски, но и осветлен. 2022 Bentley Flying Spur Mulliner има тркала од 22 инча, кои важат како ексклузивитет на flagship верзијата, со полиран финиш и капаци што се нивелираат самите во средиштето на тркалата, кои стојат исправено секогаш, без оглед на нивната положба. Забележливи се и Mulliner ознаките на браниците, а капаците на ретровизорите се финиширани со сатенски сребрена боја. Декоративните затворачи на резервоарите за гориво и масло се исто така важни детали.
Кога е кабината во прашање, седиштата се тапацирани со штепувана кожа чиј двоен дијамантски дезен се изработува цели осумнаесет месеци. Од британската мануфактура велат дека седиштата имаат по 712 шевови, а купувачите можат да ја изберат омилената боја меѓу осумте различни тритонски комбинации. Централната конзола исто така има дијамантски финиш благодарејќи на Mulliner деталите. Покрај тоа, внатрешноста ја красат и длабоко ткаени Mulliner покривачи на подот, а ободите на вратите се осветлени. Кога се работи за кластерот инструмент-саати, Bentley разви нова Mulliner опција, додека Flying Spur е опремен и со модуларни маси што се контролираат електронски, се нивелираат самите и се управуваат со едно притискање на копчето.
2022 Bentley Flying Spur Mulliner има три опции кога е моторот во прашање, кои постојат и во регуларните Flying Spur варијанти: 4,0 литарски twin-turbo V8, 6,0 литарски twin-turbo W12 и хибриден V6 погонски склоп. Цената не се знае, ќе биде објавена дополнително, но затоа, пак, се знае дека ова, специјално издание ќе се продава со клучеви обложени со кожа и кутија во иста боја како и ентериерот на возилото.
ТОП НОВОСТИ
