Електричните возила, од моментот кога беа воведени, постигнаа огромен напредок во сигурноста, издржливоста и опсегот. Во истражувањето спроведено од „Т&Е“ за ставовите на потрошувачите во врска со електричните возила, околу 65% од испитаниците рекле дека цената е најголемата бариера за изборот на електрично возило. Во овој поглед, компании како „General motors“ и „Volkswagen“ работат на поевтини модуларни електрични возила.
Во оваа насока, FIA Region I неодамна, како дел од конзорциумот, „Horizon 2020“ поднесе предлог-проект наречен MultiFlexEV, кој се однесува на развој на нова генерација на повеќенаменски, модуларни и флексибилни електрични возила. Тие би требало да бидат наменети за разни транспортни цели (транспорт на луѓе, шпедитери, професионалци, комбинирани) и да бидат достапни по разумни цени за потрошувачите.
Проектот за истражување и иновации има за цел да создаде нов концепт за модуларна архитектура на возила, што ќе им служи на патниците во секојдневната мобилност. Концептот ќе се потврди преку демонстрации во урбана употреба и соодветни деловни случаи.
FIA Region I ќе го води поврзувањето и ќе придонесе за развој на стратегија за десеминација и комуникација. Пет клубови – членки на FIA Region I (RACC, ACA, ACI, ACP и IAM RoadSmart) го изразија својот интерес и ја понудија својата поддршка на проектот. Клубовите ќе придонесат со своите знаења и искуство во врска со електричната мобилност и ќе се приклучат на советодавната група на заинтересирани страни на проектот.
ТОП НОВОСТИ
