| ЧИТАЈ | СЛУШАЈ | ГЛЕДАЈ |
| „ФАУ-2“ РОБЕРТ ХЕРИС |
„HARLEQUIN“ LADY GAGA |
JOKER: FOLIE À DEUX“ (ЏОКЕР: ЛУДИЛО ВО ДВОЈКА) |
 |
 |
 |
| Фау-2“ е брз трилер што ја спојува фикцијата со фактите од Втората светска војна. Заедно со добро познатата историска приказна за германската ракета Фау-2, во овој роман се случува уште една, помалку позната приказна за британскиот обид за спречување на ракетните напади со помош на алгебра. Романот почнува кон крајот на војната, кога станува сè поочигледен поразот на Германија. Но, Хитлер има уште еден ас во ракавот најновото чудо од оружје, балис тичката ракета способна да лансира боева глава до целта, тешка еден тон и со трипати поголема брзина од звукот. Лондон е главна цел на гранатирањето. Руди Граф, научник кој цел живот сонувал да лансира ракети на Месечината, сега е принуден да создаде оружје што ќе убива невини луѓе. Офицерката Кеј Кејтон-Волш, која и самата има преживеано напад на Фау-2, е испратена на задача во неодамна ослободената Белгија, да работи на идентификување и уништување на проектилите при лансирање. И двајцата, Германец и Англичанка, водат војна на сопствената страна на фронтот, но во најсуровиот и најодлучувачкиот час нивните судбини ќе се вкрстат. | Благодарејќи на „Interscope Records“, саундтракот за филмот „Joker: Folie à Deux“ неодамна се појави во јавноста, достапен и за продажба. Насловот е инспириран од улогата на Лејди Гага што ја игра во него арлекин (комична личност во италијанската комедија од 17 век), метафорично. Овој пат американската глумица и кантавторка е само изведувач на музичките нумери, а се потпишува и како продуцент. Албумот го оквалификува како винтиџ поп, иако е забележливо и присуството на џезот, соулот, рокот, ду вопот и госпелот. Покрај 10-те песни кои се своевидна придружба на „Џокер: Лудило во двојка“, има и 2 ори гинални со различна продукција. Синглот „Happy Mistake“ исто така е присутен, чие име всушност е метафорски израз на нејзиниот живот и кариерата. Другите 12 се насловени „Good Morning“, „Get Happy (2024)“, „Oh, When the Saints“, „World on a String“, „If My Frineds Could See Me Now“, „That’s Entertainment“, „Smile“, „The Joker“, „Folie à Deux“, „Gonna Build a Mountain“, „Close to You“ и „That’s Life“. Критиките генерално се позитивни, како и рецензиите. Без оглед на тоа што „The Guardian“ смета дека „Harlequin“ малку потсетува на „Cheek to Cheek“ (2014-та) и „Love for Sale“ (2021- ва), кои и обата се снимени заедно со Тони Бенет. | Продолжението на „Joker“ од 2019-та, исто така во режија на Тод Филипс кој е и автор на филмското сценарио, заедно со Скот Силвер, премиерно беше изведено во Венеција, на годинашниот филмски фестивал. „Warner Bros. Pictures“ и „DC Studios“ се продуцентските куќи што стојат зад неговото снимање кое започна во 2022-ра на повеќе локации во Њујорк, Лос Анџелес и Њу Џерси (Белвил). И покрај тоа што преводот кај нас е авторизиран и официјализиран како „лудило во двојка“, суштината е покомплексна. Се работи за „лудост на близнаци“, феномен кој веќе го нема во дијагностичките прирачници, а порано се употребувал како термин за заедничка психоза. Имено, заплетот продолжува во психијатриската болница каде што Артур Флек е сместен, додека го чека судењето за злоделата кои ги прави под псевдонимот Џокер. Таму ја заљубува специјалистката за музикотерапија… На повидок е лудило.• Жанр: музички, психолошки трилер Актери: Joaquin Phoenix, Lady Gaga, Brendan Gleeson, Catherine Keener, Zazie Beetz Режија: Todd Phillips |
ТОП НОВОСТИ
