Концептот „вижн ное класе икс“ всушност го претставува планот на БМВ за иднината на неговите возила кои допрва треба да се појават во продажните салони, но и воедно е продолжение на концепт идејата воспоставена уште од претставувањето на лимузината „вижн ное класе“. Со концепт лимузината најавија каква ќе биде иднината на главниот облик, а со концептот „икс“ ги најавуваат идните „сув“ возила и се разбира, сето тоа електрифицирано. Концептот има нови батерии кои се полнат за покусо време, односно брзината на полнење е поголема за цели 30 отсто. Теоретски време од 10 мин. е еднакво на пат од 300 км. Дали тоа ќе биде баш така, ќе видиме кога БМВ ќе ги вгради овие батерии во сериските возила. Приметувате, сега препознатливите „бубрези“ се во големина и облик како што беа некогаш на времето.
Најавуваат влегување на овој концепт во сериско производство во 2025 год. и тоа во фабричките хали во Дебрецин, Унгарија. Како што поминува времето, Унгарија е на пат да стане една од најважните одредишта за автомобилската индустрија. По овој сув треба да се појават уште пет и сите ќе бидат електрифицирани, а некои од нив целосно. Малку е чудно што во толку кус временски период БМВ исфрли неколку концепти и сериски возила со неколку различни маски. Можеби го испитува трпението на купувачите и воедно си прави некој вид анкета со цел да види која маска ќе добие најмногу гласови.
ТОП НОВОСТИ
