Безбедност во сообраќајот- БЕЗ РАЗЛИКА ДАЛИ СЕ ДВЕ ИЛИ ЧЕТИРИ ТРКАЛА
16/06/2022
ТЕХНИЧКИ ИСПРАВНО ВОЗИЛО, ПОЧИТУВАЊЕ НА СООБРАЌАЈНАТА СИГНАЛИЗАЦИЈА И НЕ КОНЗУМИРАЊЕ НА АЛКОХОЛ ДОКОЛКУ СЕ ВОЗИ, СЕ „ПРАВИЛА“ ВРЗАНИ ЗА ПОИМОТ ДИСЦИПЛИНА И ВАЖАТ ЗА СИТЕ ВОЗАЧИ
Сообраќајната култура е важен елемент на безбедноста во сообраќајот, тоа значи познавање на сообраќајните правила и прописи, поседување вештини за управување со возилото и задолжително нивно почитување и применување. Всушност тоа е начин на однесување во сообраќајот, начин на движење со кој се заштитуваат интересите на сите учесници во сообраќајот, односно негово непречено и безбедно одвивање. Кај нас сообраќајната култура е на многу ниско ниво. Тоа особено се забележува во односот возачи на автомобили и возачи на мотоцикли, возачи и пешаци, возачи и велосипедисти.
Брзото возење,возењето под дејство на алкохол и невнимателното возење, може скапо да ве чини.
Во текот на летниот период по градските улици особен проблем предизвикува однесувањето на одредени мотоциклисти што се однесуваат како „господари на патиштата“. Причините и пропустите за несоодветно однесување во текот на возењето што доведува до несакани и немили случувања треба прво да се бараат кај себе, а не кај другите. Неопходно е да ја почитуваат законската одредба за ограничување на брзината, односно да не возат побрзо од 50 км/ч во населените места и да се придржуваат до предвидената брзина на отворен пат.
Безбедно возење значи да се користи технички исправно возило, односно да има и прописно напумпани пневматици што не се истрошени и не се оштетени, да ја почитуваат сообраќајната сигнализација и да не консумираат алкохол доколку возат. Сите мора да бидат безбедни и примерни учесници во сообраќајот. Дисциплина, култура и етика, па возење и движење.
Жарко Атанасоски
ТОП НОВОСТИ
