Кога Сони пред три години го прикажа својот прв концепт автомобил, светската јавност се подзамисли, а конкуренцијата се подисплаши. Сони не е играч кој прави драми, туку вредно работи и на крајот создава врвен производ. Истовремено Хонда претстави мал електричен автомобил, но воедно трагаше по компанија која е подготвена за заеднички вложувања во новиот погон. Деталите за и околу соработката и заедничките вложувања на Сони и Хонда не се познати, но затоа се познати нивните идни чекори. Двата светски познати компании веќе создадоа нова марка нарекувајќи ја Афила (или Афела) и веднаш излегоа со концепт на саемската манифестација ЦЕС во Лас Вегас. Сони ги развива електронските делови, а Хонда се бави со автомобилските и производството. Како што тргнале работите, светот ќе добие сигурен конкурент и тоа од највисока класа, не според цената, туку според начинот на кој ќе бидат произведувани автомобилите – Хонда е врвен производител на автомобили, а Сони врвен производител на електронски добра.
Автомобилот ќе биде опремен со мноштво сензори од секаков тип, но и со 45 внатрешни и надворешни камери. Во моментов Хонда работи на оспособување и прилагодување на фабриката во Охајо каде го планира производството на концептот. Планирано е производството да започне на крајот од 2025, а првите примероци да стасаат во продажните места во првата половина од 2026 год. По лимузината производството ќе продолжи со сув возило. Ако се сеќавате Сони најнапред претстави концепт автомобил, а две години подоцна на еден ист подиум претстави лимузина и сув возило, обете целосно електрични.
ТОП НОВОСТИ
