Малата компанија Бронто, за многумина сосема непозната, но непозната и во автомобилскиот свет. Токму оваа мала компанија се бавела со доработка на возилата Лада, посебно со моделот „нива“ во кој вградувала најразновидна опрема. Лада ја купува оваа фирма и сега врши доработка на моделот „нива“ во која има вградено повеќе опрема од вообичаеното.
Надворешниот дизајн на популарната „нива“ речиси и да не е изменет, а истата судбина ја дели и внатрешноста, но затоа изведбата „нива бронто“ има многу опрема поделена во два пакети, „лукс“ и „престиж“. Подобра изолација која ја намалува бучавата во кабината и вибрациите, сосема нови и удобни седишта, нова табла со инструменти, метални детали, светла за магла, 15 инчни тркала итн. Покрај богатата сериска опрема има и дополнителна, сончев покрив, сателитска навигација, маскирна боја и други ситници.
Моторот, погонот на сите тркала и сета механика околу погонот, потоа менувачот и уште многу други помали детали, сè е останато како и претходно. Погонската единица е истата, атмосферска со четири цилиндри и 1,7 литри зафатнина со 82 КС. Засега „бронто“ е присутен само на домашниот пазар.
И покрај тоа што возилото постои скоро пет децении, на континентов владее голем интерес за купување нов примерок. Истата „судбина“ ја дели и изведбата „леџенд“ – и за неа владее голем интерес за купување, но откако увозот беше забранет поради неисполнување на еуро 6 нормите за издувните гасови, „лада нива“ не беше и сè уште не е присутна во поголем дел од континентов. И сега работата е кој како се снајде, а најмногу има увозници кои не се овластени, но преку нив колку толку се врши некаква достава на популарната „лада нива“ во Словачка, Чешка, Германија, В. Британија итн.
ТОП НОВОСТИ
