Како што беше зацртано од организаторот, така и бидна, петтиот ден од месец март беше резервиран за прогласувањето на женскиот избор за автомобил на годината во светот за 2025 година. Приказната започна минатата година кога производителите пријавија вкупно 81 автомобил да учествува во изборот. Откако жирито составено од 82 професионални новинарки од 55 држави во светот, чие поле на делување е автомобилската индустрија, ги избра финалистите, тоа исто жири тргна да избира победник.
„Мини купер“ ја доби наградата за градски автомобил , наградата за компактен сув отиде кај „киа ев 3“, наградата за лимузина (голем автомобил) на годината ја освои „ауди а 6 е – трон“, „хјундаи санта фе“ ја доби наградата за голем сув на годината, „тојота ленд крузер“ е носител на наградата 4 х 4 / пикап возило (теренско восило) на годината, а „порше панамера“ беше прогласен за спортски / луксузен автомобил на годината. Правилото вели дека победникот ќе се одбира од тие кои победиле во „својата класа“. Одлуката беше донесена како што веќе нагласивме, на петти март по локално време (Нов Зеланд) поради „8 март“ празникот на жената, а изборот е женски. Веднаш да разјасниме некои работи околу овој избор. Не бираат женски автомобил на годината, затоа што автомобилската индустрија не ги дели моторните возила на женски и машки. Изборот е како и секој друг во светот, со исклучок на тоа што жирито е составено исклучиво од дами.
По многу тестирања и проверки, титулата автомобил на годината е доделена на корејскиот производител Хјундаи со моделот „санта фе“. Класика од семејно моторно возило во сув изведба, но за разлика од останатите во класата „хјундаи санта фе“ има несекојдневен дизајн кој малку потсетува на тие од иднината.
Убедливите 4,8 м во должина, со голем товарен простор, можност за превоз на седум патници, но и изведба со погон на сите тркала, го прават возилото вистински семејно. Тоа не значи дека „хјундаи санта фе“ не е за тие со жичка на авантуристички дух.
ТОП НОВОСТИ
