Народен автомобил, а потоа името продолжува со „за секого“. Еден од најголемите производители на автомобили во светот, тргна да прави електричен автомобил чија цена ќе биде не повисока од 20.000 евра. Најнапред идејата беше цената да не е пониска од 25.000 и сите производители во светот ја „нишанеа“ оваа граница, но откако увидоа дека светот не е многу заинтересиран за електричните возила, границата полека, но сигурно ја спуштија на 20.000 евра. Концептот на Фoлксваген, „ид еври 1“, е токму тоа до 20.000 евра. Со должина од скоро 3,9 м, ширина 1,82 м, висина 1,49 м, и товарен оддел со зафатнина од 305 л, го прави возилото да биде вистински претставник на типичен градски автомобил. Ова е нешто како директно фрлање ракавица во лицето на Фиат и неговата „гранде панда“ која е „за нијанса“ поскапа.
Првите недели од 2027 година се резервирани за светската премиера и почетокот на продажбата, а дали концептот „ид еври 1“ ќе биде тој истиот или ќе претрпи некои дизајнерски измени, не е познато. Останува да почекаме, а потоа да видиме што направиле конструкторите и дизајнерите. А тоа со границата од 25.000 евра, за тој дел е задолжен моделот „ид 2“.
ТОП НОВОСТИ
