Лимузина именувана како „ид аеро“ или можеби подобро да ја наречеме комбилимузина затоа што задниот дел не е класичен лимузински. Што му требаше овој „луксуз“ на Фолксваген? Има повеќе лимузини како на пример „пасатот“, или доаѓа ерата на електричните автомобили и сега ќе менува сѐ од корен. Тие најдобро знаат што прават, но велат толку од „пасат“, ќе престанат да произведуваат лимузина под тоа име, а за возврат го зголемуваат семејството „ид“.
Добро испегланата комбилимузина има коефициент на отпор на воздух од 0,23 Цд, што е добар резултат, но не и одличен. Обликот е наследен од концептот „ид вижн“ претставен во 2018, а една година подоцна Фоксваген претстави, исто така, концепт но караван изведба од „ид вижн“ наречен „ид вижн спејс“ и најверојатно мислат на „спејс вагон“. Новиот електромобил е подготвен да влезе во продажба некаде во 2023, а дотогаш Фолксваген ќе крои планови каде да се произведува новата електрична семејна лимузина, дали на домашно тло, или некаде преку „големата бара“, или, пак, на двете места. Засега е познато дека производството ќе се одвива дома во Емден. Преку „големата бара“ во Чатануга, Фолксваген произведува возила на основа од платформата „меб“, така што не е чудно ако и таму се отвори производна лента за „ид аеро“.
Лимузината е долга пет метри и има батерија од 77 kWh способна да го однесе електромобилот на далечина од 500 км. За подетални информации ќе го причекаме производителот да се изјасни во детали за и околу долгата комбилимузина и дали од неа подготвува караван изведба, дали ќе има изведба со погон на сите тркала (варијант) и дали покрај „пасатот“ во пензија ќе оди и „артеонот“ и дали „ид аеро“ е замена за нив.
ТОП НОВОСТИ
