Тие можат да зборуваат колку што сакаат, но најсилниот вирус на планетава Земја носи име „четири тркала“. Толку многу е распространет што не е можно ни теоретски ни практично да го изолирате. Таа „зараза“ има свои подтипови, како на пример Ферари Масерати Ламборџини, МАТ (Манифатура Аутомобили Торино). И овие подтипови, многу подмолно се шират. На пример во нашево соседство најблиску ни е Мате Римац. Него вирусот „четири тркала“ го нападна уште одамна и сега е претворен во „римац невера“. Дека спомнатиот вирус е подмолен, еве ви директен пример. Од земјата на многуте подтипови, вирусот преку Јадранското Море стигнува до разгранетиот брег наречен Далмација и оттаму влегува во внатрешноста на Хрватска и тука нема спас претставена е „неверата“, ветар кој дува и корне сѐ пред себе, односно од 0 до 100 км/ч потребни му се само 1,8 сек. Внимавајте сега на подмолноста на вирусот. Најнапред ја заобиколува, а потоа од две страни ја напаѓа Словенија. Таму вирусот „четири тркала“ е попознат како „тушек“ со два подтипови „тс 900 х апекс“ присутен уште од 2019 година, а сега се појавува вториот уште поопасен од првиот, наречен „аеон“. Се прашуваме кога нашата држава ќе биде нападната од вакви и слични „вируси“? Рака на срце, имаме еден елитен наречен Микросам, но не е на четири тркала.
Некогаш тркач, а денес конструктор од највисока класа, Аљоша Тушек е човекот „виновен“ или ако сакате заразен со горе наведениот вирус наречен четири тркала со сите негови подоцнежни изведби и подизведби. „Тушек аеон х“ и „тушек аеон е“, првата е хибридна, а вторава целосно електрична. Првата изведба е хибрид со приклучок, спој од бензински V8 мотор со електромотори. Вкупната измерена силина изнесува точно 1.930 КС. Хипер автомобилот тежи 1.480 кг, а односот силина:тежина е еднаков на 1,3 КС : 1кг. Електричната изведба тежи 1.600 кг распоредени на 2.500 КС, односно 1,0 кг е носен од огромни 1,7 КС.
Според најавите и првичните официјално неофицијални извори, „тушек аеон“ треба да се појави пред светската јавност есенва или на почетокот од зимата 2023 / 2024.
ТОП НОВОСТИ
