КАКО СЕ ПРИБЛИЖУВА ЛЕТОТО, ТАКА И ПРОИЗВОДИТЕЛИТЕ НА ЈАХТИ ГИ ПРОМОВИРААТ НОВИТЕ ЛУКСУЗНИ БРОДОВИ, ПАТНИЧКИ СЕ РАЗБИРА, КОИ СЕ ПРАВИ РЕМЕК-ДЕЛА ОД ЧИИ ЦЕНИ ОБИЧНО СЕ ЗАВРТУВА И ВО ГЛАВАТА. BENETTI НА ПРИМЕР Е МАНУФАКТУРА ОД ИТАЛИЈА СО БЕЗМАЛКУ 150-ГОДИШНА ТРАДИЦИЈА. НОВАТА ЈАХТА, ПРОИЗВЕДЕНА ЛАНИ, НА КРАЈОТ НА 2021-ТА, Е ЛАНСИРАНА ДУРИ СЕГА, ИАКО БЕШЕ КУПЕНА ВЕДНАШ. НЕЈЗИНОТО ИМЕ ТРИУМФ НЕОСПОРНО СЕ ВРЗУВА СО ТРИУМФАЛНОТО ЗАПЛОВУВАЊЕ, КАКО И СО ЦЕЛОКУПНИОТ ИЗГЛЕД, НАДВОРЕШЕН И ВНАТРЕШЕН
Италијанската Benetti, мануфактурата со седиште во Лука (Виареџо) и Ливорно, постои неполни 150 години, од 1873-та. Нејзините јахти се омилени меѓу елитата во светски рамки. На пример, сликата на Рание Трети со Грејс Кели на Benetti Gabbiano во заливот на Монте Карло е иконична, но и фотографијата на Фреди Меркјури, сосе видеото за песната Khashoggi’s Ship, снимени на M/Y Nabila. И денес јахтите, луксузните бродови се амблеми на престижот, а секако и на мануфактурата од Италија, но и на триумфализмот. Class (Motopanfilo 37 м, Diamond 44 м), B. Yond (37 м), Oasis (34 м, 40 м), B. Now (50 м, 50 м Oasis, 55 м, 63 м, 66 м Oasis, 68 м) и Custom (Mega – FB270 M/Y Triumph, FB276 M/Y Metis, FB703 M/Y Bacchanal, FB269 M/Y Spectre, FB268 M/Y Seasense, FB265 M/Y II.II и Giga – FB272, FB275 IJE, FB277 M/Y LANA, FB262) и натаму се барани со ист жар.
Нова е Триумф, произведена лани, на крајот на 2021 година, чие запловување го привлече вниманието на пошироката јавност, а инспирацијата за нејзиното производство е истоимениот легендарен мотоцикл. Освен цената за која се шпекулира, непознат е и сопственикот. Но, јахтата импресионира со перформансите, вклучувајќи го изгледот, внатрешниот и надворешниот. Секако, впечатлива е и должината од 65,4 метри за чие балансирање со нејзиниот волумен, т.е. зафатнината се говори дека е вистинско ремек-дело, како и самото инженерство, па и удопството. Инаку, Триумф е чартер јахта (моторна) која неодамна заплови од марината на Royal Yacht International во Монaко. Елеганцијата и на крмата и на трупот е неоспорна, дизајнот е таков што ја максимира ефикасноста, ја минимизира потрошувачката на горивото и ја оптимизира пловидбата или навигацијата. Притоа, нејзината стабилност е висока, но и маневрирањето.
Кога се работи за екстериерот, надворешниот изглед на Триумф е обмислен така што елеганцијата е доминантна, стилизирана од италијанскиот дизајнер Giorgio M. Cassetta, сопственикот на Cassetta Yacht Designers. Безвременоста и е другото име бидејќи отсуствува трендот, актуелноста. Но, таква е и внатрешноста, ентериерот на јахтата, чие уредување му беше доделено на Green & Mingarelli Design и, секако, тимот на Benetti. За распоредот, како и одбирот на мебел, материјали, декорација се погрижи одделот за стил на мануфактурата, во соработка со клиентот. Всушност, Green & Mingarelli Design беше избран од купувачот на Триумф, а резултатот е уникатноста, нејзиното раскошно издание, со ексклузивни материјали, како на пример стакло Lalique, мермер и крзно, па и таканаречените зелени, односно еколошки, одржливи предмети. Благодарејќи на космополитскиот дух, одбирот на префинетите материјали од рангот на Crema Marfil, Statuary и Amani мермерот е неслучаен. Теписите, пак, се изработени од квалитетна свила, но и таква, мека волна, ткаени на разбој, со шари својствени за Ориентот, кои ги прикажуваат дините во пустините.
Јахтата инаку може да угости дванаесет луѓе, во шест луксузни кабини. Една од нејзините битни карактеристики е импресијата, силниот впечаток што го остава главниот апартман не само заради големината од 130 квадратни метри, туку и поради распоредот… работната соба во продолжението, како и салонот и пространата тераса на отворено, ВИП кабината на централната палуба, осветлена максимално, салонот на горната палуба, исто така осветлен, го заокружуваат. Кога е, пак, неговиот распоред во прашање, дневната соба всушност е врзана со трпезаријата чија трансформација во кино претставува една од нејзините придобивки. Како декори се јавуваат и сликите, уметничките дела на познатите артисти отсекаде во светот, а целта на сопственикот е гостите да се чувствуваат како да се во музеј или во галерија. Изборот е голем и, се разбира, непроценлив – богатство.
Во рамките на повеќето јахти теретаните се задолжителни, па и тука, во Триумф. Од палубата е одвоена, ги дели мосте и, секако, лизгачки врати. Нејзините справи можат да се приспособуваат, согласно вежбите. Џакузито се наоѓа до неа, вообичано се употребува по фитнесот, па и независно од вежбањето. Бидејќи е на отворено, релаксирањето се надополнува со широк поглед на околината или панорама од која се одзема и здивот. Имено, глетката нема ограничување бидејќи е 360 степена. И горната палуба има големи димензии како и сè друго, трпезаријата е огромна, вклучувајќи го и американскиот бар и салонот и хелиодромот, местото уредено за полетување и слетување на хеликоптерот, сопственост на купувачот на јахтата. Трпезарискиот мебел, е дизајниран специјално за Триумф, направен од челик што не ‘рѓосува и посебни јажиња, жици за деталите кои, соодветствуваат на целокупноста во смисла на нејзиниот стил. Јахтата инаку брои пет затворени горни површини, т.е. палуби, секоја поседува тераса и место за сончање, а долната има две гаражи, но и десет кабини за петнаесетте членови на посадата. Секако, пристапот до кујната, собите на гостите и така натаму е лесен, едноставен.
Кога се работи за перформансите, мора да се напомене дека Триумф е јахта со еден главен, челичен мотор и алуминиумски примеси, како и два споредни, MTU (Maximum Transmission Unit) мотори заради кои се достигнува средна брзина од 15 јазли. Нејзиниот домет е 4.700 милји со минимална брзина од 12 јазли, додека 16, 5 јазли е максималната брзина. Тонажата, исто така, има неверојатна бројка -1.244, како и бесшумноста чија обратнопропорционална величина е особено важна од причина што производителите како да се натпреваруваат чиј луксузен брод се одликува со уште поголема и префиксот нај.
Сите убавини, врвни перформанси на Триумф гарантираат и таков – убав, но и врвен помин, за долго сеќавање на летото, па и деновите напролет, зошто да не.
ТОП НОВОСТИ
