| ЧИТАЈ | СЛУШАЈ | ГЛЕДАЈ |
| „ТОМ ЛЕЈК“ ЕН ПАЧЕТ |
THE DEATH OF SLIM SHADY (COUP DE GRÂCE)“ EMINEM |
THE INSTIGATORS“ (ПОДБУЦНУВАЧИТЕ) |
 |
 |
 |
| Се работи за прекрасна, топла и емотивна приказна за семејството, за љубовта и за созревањето, со која Ен Пачет уште еднаш докажува дека е една од најдобрите американски писателки. Дејството е сместено во пролетта 2020 година, во време на пандемијата со КОВИД-19. Трите ќерки на Лара се враќаат во семејниот овоштарник во северен Мичиген. Додека собираат вишни, тие ја молат мајка им да им ја раскаже приказната за Питер Дјук, познат актер со кого таа пред многу години ја делела сцената и била во страсна врска додека биле ангажирани во театарската компанија наречена „Том Лејк“. Додека Лара се присетува на минатото, нејзините ќерки ги преиспитуваат своите животи и односот со мајка им и се принудени одново да размислат за светот и за сè она што мислеле дека го знаат. „Том Лејк“ е медитација за младешката љубов, брачната љубов и животите што родителите ги имале пред раѓањето на децата. И надежно и елегично, истражува што значи да се биде среќен, дури и кога светот се распаѓа. Како и во сите нејзини романи, Ен Пачет комбинира привлечна наративна уметност со продорен увид во семејната динамика. Резултатот е богата и оптимистична приказна, раскажана со длабока интелигенција и емоционална суптилност, со што Пачет уште еднаш покажува зошто е еден од најпочитуваните книжевни таленти кои работат денес. | За љубителите на музичкиот стил што се карактеризира со звучно рецитирање, придружено со наметлив ритам во кој доминираат ударните инструменти, 51 годишниот американски рапер Еминем летово приреди убаво изненадување во соработка со Shady Records, Aftermath Entertainment и Interscope Records го издаде својот 12-ти студиски албум во чија продукција учествуваше и Dem Jointz и Fredwreck и Cubeatz и Cole Bennett и DJ Premier и Dr. Dre и Luis Resto. Меѓу звучните имиња кои работеа на „The Death of Slim Shady (Coup De Grâce)“ се вбројува и Bizarre и JID и Ez Mil и Skylar Gray и BabyTron и Big Sean и Jelly Roll и други. Албумот веднаш по промовирањето на 12 јули ги освои првите места на топ-листите ширум светот и покрај тоа што критиката е поделена впрочем, како и за сè останато. Претходно, на 31 мај и на 2 јули, пред јавноста ги претстави сингловите „Houdini“ и „Tobey“, a одвоено беше промовиран и „Somebody Save Me“ на 19 јули. „The Death of Slim Shady“ (Coup De Grâce)“ брои 22 песни од кои 3 се бонуси. Освен гореспоменатите, во албумот се вбројуваат уште „Renaissance“, „Habits“, „Trouble“, „Brand New Dance“, „Evil“, „All You Got“, „Lucifer“, „Antichrist“, „Fuel“, „Road Rage“, „Breaking News“, „Guilty Conscience 2“, „Head Honcho“, „Temporary“ „Bad One“, „Guess Who’s Back“, „Steve Berman“, „Kyrie & Luka“ и „Like My Shit“. | Светската премиера на 138-минутниот акционен, криминалистички филм, кој е всушност комедија, се одржа на 2 август во САД, а почнувајќи од 9 август, пошироката јавност може да го гледа и на Apple TV. Автори на филмското сценарио се Chuck Maclean и Casey Affleck еден од актерите кои ги играат главните улоги. Matt Damon се потпишува и како продуцент, заедно со Ben Affleck, Jeff Robinov, John Graham и Kevin J. Walsh. По потпишувањето на договорот меѓу Apple TV+ и Artists Equity (сопственост на Matt Damon и Ben Affleck) во декември 2022-ра, снимањето започна во март 2023 та. Локацијата е добро позната – Bova’s Bakery во Бостон. Рори (очаен татко – Matt Damon) и Коби (поранешен измамник – Casey Affleck) се здружуваат со цел да му го украдат нечесното богатство на корумпираниот политичар. Но, грабежот не се одвива како што треба, па настанува голем метеж во кој не се вклучува само полицијата, туку и претставниците на бирократскиот систем на управата и одмаздољубивите шефови на криминалното подземје. Во целиот смут ја убедуваат и д-р Дона Ривера (терапевтот на Рори) да им помогне во бегството, придружувајќи им се. Жанр: акционен, криминалистички филм (комедија) Актери: Matt Damon, Casey Affleck, Hong Chau, Paul Walter Hauser, Michael Stuhlbarg, Ving Rhames, Alfred Molina, Toby Jones, Jack Harlow, Ron Perlman Режија: Doug Liman |
ТОП НОВОСТИ
