КОГА ГО НАБЉУДУВАТЕ ПОДВОДНИОТ ЖИВ СВЕТ, НИВНОТО ДВИЖЕЊЕ ВИ ИЗГЛЕДА ТОЛКУ ЕДНОСТАВНО И ЕЛЕГАНТНО. ИМАТЕ ТАКОВ ВПЕЧАТОК ЗАТОА ШТО ТОА Е НИВНАТА ПРИРОДНА СРЕДИНА, А АКО САКАТЕ ДА БИДЕТЕ ДЕЛ ОД НЕА БАРЕМ И НА НЕКОЛКУ МИНУТИ, ТОГАШ „АКВАЏЕТ Х 2“ Е ТОКМУ ЗА ВАС
Велосипед, две тркала на рам, вилушки, седиште, управувач, сопирачки, калници, светла и уште некој дополнителен дел. Оваа направа му служи на светот повеќе од два века, односно влезена е во третиот век. Најобично, наједноставно и најисплатливо средство за сувоземен превоз. Што ќе кажете за можноста да возите велосипед и да совладувате водени растојанија? И такво чудо измислија. Има неколку изуми, но овој пат се чини дека направата е најсовршената што светот ја видел.
Рам направен од авионски алуминиум („тиг“ заварување 6061 – т 6) за постигнување мала тежина, но голема цврстина, потоа управувач, седиште педали, одзади има пропелер, но и крила на задната и предната вилушка, ако воопшто може да се каже дека направава има класични вилушки како велосипедите. Малото крило напред е со распон од 1,2 метри, додека задното е помасивно и има поголем распон, точно 2,0 метри. Крилата се статични, но затоа на предната вилушка има дополнителна „вилушка“ на која има мали крила поставени во V. Тие мали крила заедно со вилушката се вртат како што се врти управувачот. Сите крила и останати делови се направени од јаглеродни влакна, со исклучок на рамот, како што претходно нагласивме.
Пловилото во облик на велосипед е развивано цели осум години од една новозеландска фирма, односно конструктор по име Гај Хауард Вилис. За време на развојот на „велосипедот“ за пловење, тесно соработувал со мајсторот на својот занает, еден од попознатите конструктори на сувоземни велосипеди Роланд Алонзо. За време на развојот направиле две пловила, поточно тоа e еден ист велосипед, но едниот е обичен, а другиот со 400 W електромотор. Првиот тежи 14, а вториот малку над 20 кг. При понатамошниот развој на пловилото, констукторите одлучиле повеќе внимание да му посветат на тој со електромотор, бидејќи е далеку полесен за пловење, додека за другиот треба да се има добра физичка подготвеност.
Пловилото во вид на велосипед е наречено „манта 5 хидрофајлер икс е 1“ и со него може да управува секој што умeе да вози класичен велосипед, Нема некоја посебна „филозофија“ при управувањето и пловењето. Хидровелосипедот во режим на пловење со најмала помош од страна на електромоторот, може да плови четири часа, но ако помошта од електромоторот е најголема тогаш пловилото ќе можете да го возите не повеќе од еден час и притоа да постигне крајна брзина од 19,3 км/ч што е прилично голема брзина за една ваква направа која плови. Конструкторот во едно интервју има кажано дека хидровелосипедот може да постигне и максимални 22 км/ч.
Конструкторите препорачуваат пловење кога водата е мирна затоа што направата не може да совладува бранови. Немирната водена површина го исфрла хидровелосипедот од рамнотежа и пловењето е оневозможено. Кога сме веќе кај употребата, треба да се спомне следниов податок, направата не може да ја користат лица со тежина под 70 кг и тие со поголема тежина од 100 кг. Доколку лицата имаат премала или преголема тежина, рамнотежата на пловилото повторно се нарушува.
Хидровелосипедот може да се нарача од веќе воспоставената продажна мрежа, но цената е малку повеќе од изненадувачка, „само“ 7.999 евра. Така пишува на европската страна: (eu.manta5.com).
Играчкава ќе помине кај народот, занимлива е и сигурно многу е забавно да се биде на вода и да можеш да пловиш. Ако играчката може да помине, сигурно цената не поминува, дури и за поголем дел од државите на континентов.
ТОП НОВОСТИ
