НИШТО НЕМА ПОУБАВО ОД ТОА ДА СЕ ВИДАТ НА ЕДНО МЕСТО СИТЕ СВЕТСКИ НОВИТЕТИ НА РЕЧИСИ СЕВКУПНАТА АВТОМОБИЛСКА ИНДУСТРИЈА. НА НЕКОЛКУТЕ МИНАТИ МАНИФЕСТАЦИИ ИМАШЕ ПОВЕЌЕ ОТКАЖУВАЊА ШТО НЕ Е НИМАЛКУ УБАВО НИ ЗА НОВИНАРИ НИТУ ЗА ПОСЕТИТЕЛИТЕ. СЕ НАДЕВАМЕ ВО ДЕТРОИТ СИТЕ ЌЕ БИДАТ ПРИСУТНИ БЕЗ ИСКЛУЧОК, ИАКО СЕ ЗБОРУВА ДЕКА НЕКОИ ПРОИЗВОДИТЕЛИ ВЕЌЕ ГО НАЈАВИЛЕ СВОЕТО ОТСУСТВО.
Сите патишта водат кон Детроит. Тоа е во стилот како што некогаш кажуваа за Рим. Така започнува извештајот за претстојниот Салон за автомобили кој треба да се одржи во Детроит на почетокот од идната година. Месецот јануари е резервиран за Салонот за автомобили што традиционално се одржува во Детроит. Со оваа саемска манифестација всушност започнуваат петте големи изложби, од кои првата веќе ја спомнавме потоа на ред доаѓа саемот во Женева, а на крајот од летото, односно почетокот на есента биенално се менуваат Париз и Франкфурт, зад нив (или пред нив) се Пекинг и Шангај (биенално) и на крајот од годината е Токијскиот Салон за автомобили за 2019 година.
Големиот „бал“ ќе започне на 12, а ќе трае заклучно со 27 јануари. Во овие денови вклучени се и деновите на автомобилската и пропратната индустрија, добротворниот ден на кој се организира прием со цел да се соберат што повеќе пари за децата без родители, а најмал износ за дарување е 400 долари од кои 390 се ослободени од данок. Галерискиот ден, 12 јануари, е ден на кој присутните гости ќе имаат прилика по 14. пат да ги видат најновите луксузни автомобили и деновите наречени „Аутомобили Д“ – денови во кои повеќе од 200 компании и нивните одговорни лица ќе бидат собрани под еден покрив. Тоа е ретка прилика во годината, безмалку сета светска автомобилска индустрија да биде заедно од 14 до 17 јануари. Посетителите имаат на располагање девет денови, со почеток на 19 јануари, а вратите се затвораат на 27 истиот месец.
Како и на сите автомобилски манифестации, така и на оваа новинарите имаат свои денови. Во Детроит се резервирани 14 и 15 јануари. На минатата изложба беа претставени 70 нови автомобили од кои дури 52 светски премиери. Сета таа манифестација била проследена од скоро 5.100 новинари од 60 земји.
Цената на влезниците за „големиот бал“ во Детроит се движат од 7 до 14 долари. Седум долари за деца од 7 до 12 години и за лица постари од 65 години, а за останатите цената е 14 долари. За децата под седум години влезот е бесплатен. Како и секоја година центарот „КОБО“ е задолжен за гостопримството на автомобилите, новинарите и на посетителите, а се наоѓа на „Булевар Вашингтон“ бр. 1, Детроит – една информација повеќе за вас.
ТОП НОВОСТИ
