Првиот беше „ла росе ноир дроптеил“, а вториот од четирите носи име „аметист дроптеил“ и е нарачка од семејство кое на времето почнало да се бави со продажба на драги камења. Денес нивната компанија е мултинационална, присутна во целиот свет и отсега натаму се сопственици на еден од четирите „ дроптеил“ купе автомобили од марката Ролс Ројс.
Сите материјали вградени во автомобилот се најдоброто што светот во моментов може да понуди и секако, сето тоа е кроено рачно од врвни мајстори на својот занает. Дури и часовникот што е вграден во дрвената табла со инструменти е директно нарачан од швајцарскиот производител на прескапи мерачи на време, Вашерон Константин. Ако еден рачен часовник од оваа марка чини 40.000 евра, сега можете да си замислите колку сопственикот платил за уникатниот што е вграден во неговиот „аметист дроптеил“.
Ако сите досегашни автомобили од оваа марка личеле еден на друг и по малку биле досадни со тој дизајн, сега во овие четири автомобили од линијата „дроптеил“ дизајнот е малку поинаков. Тој повторно е тука некаде, но се забележува дека има многу освежување. Добар потег на дизајнерите. Уживајте во фотографиите, останатото е само редење приказни за хипер луксузот од 30 милини долари – толку беше цената на „ла росе ноир дроптеил“, а овој „аметистов“ којзнае колку е. Бесцeлно е да се пишува за автомобил во кој се вградени 30 и повеќе милиони долари.
ТОП НОВОСТИ
