Откако им одржа лекција на производителите на автомобили најнапред со „концепт еден“, поточно со „невера“, сега тој истиот конструктор повторно внесува немир во редовите на четирите тркала. Кога ескпериментираше со „концепт еден“ не го сфатија сериозно, кога работите одеа кон производство на концептот, тогаш се сомневаа, а кога ја претстави „неверата“ тогаш сфатија дека ова е повеќе од игра. Да „им врзеш машна“ на цели испитни лаборатории и еден куп конструктори и да направиш побрз автомобил од нивните најбрзи, не е мала работа. Е токму тука почна тоа со замрсувањето на конците и веднаш побрзаа да купат дел од азното на Мате Римац, како на пример Порше и Хјундаи.
Сега владее немир во автомобилската фела затоа што тој истиот Мате Римац на друштвените мрежи пушти кусо видео со најава дека на 26 јуни ќе приреди светски првично претставување на нов модел. Едни велат Римац повторно ќе лансира спортско купе, но другите некако се погласни и „посигурни“ дека овој пат Римац подготвува нешто секојдневно, но многу необично. Спортско купе лансирале еден куп производители. Истото го стори и Римац со „неверата“. Така е, но неговото купе ги потопи сите дотогашни. Не се надеваа дека еден ден некој ќе ги надмине надалеку прочуените работилници.
Озборувањата го кажуваат следново, не е спортски автомобил, туку класична комбилимузина на електричен погон. Дали е во прашање голем сериски модел од ниската висока класа (сегмент „ц“) со прималива цена, или е нешто уште поспецифично? Многу јавни гласила шпекулираат со информации за роботизиран такси и со многу други слични нешта. Сепак, ние нема да известуваме на тој начин, туку ќе одиме строго со објавување на официјални вести. Што и да се случи, ние ќе пратиме како се одвиваат работите и во секое издание до месец јуни ќе пишуваме за новото чедо од Римац.
ТОП НОВОСТИ
