Превозот на луѓе и материјални добра отсекогаш бил потребен. Уште од најстарите времиња превозот бил клучен и присутен во секој еден дел од секојдневието. И денес е така, ништо не е изменето, само технологијата напреднала, односно превозот денес е побрз и пообемен, на пример ако некогаш бродовите се движеле со брзина од 5 јазли, денес се движат со 15 јазли.
Исто е и со земскиот превоз, патниот и железничкиот. Рено е една од компаниите кои целосно се посветени на превоз на луѓе и материјални добра. Нам ни е најпознат по автомобилите, но Рено има дивизија во која камионите се производи број 1, но има и лесни товарни возила како на пример моделите „трафик“ и „кангу“.
Деновиве Рено го претстави концептот „естафе“, возило кое според дизајнот најмногу потсетува на кутија. Тоа е така затоа што во внатрешниот простор на кутијата може најмногу да се искористи. Колку што е концептот широк, толку е и висок, односно 1,92 и 1,90 м, со должина од 4,87 м, а товарниот простор има зафатнина од 7,1 м3. Висината на товарниот простор од 1,9 м овозможува непречено движење без наведнување, се разбира ако лицата не се повисоки од 1,9 м.
Сега и во наредните две години концептот „рено естафе“ ќе биде дополнително тестиран и доразвиван, а за сериско производство е планиран за 2026 год. Рено го навестува новото превозно возило „естафе“ без да напомене какви погонски единици ќе бидат вградувани, но најверојатно возилото ќе биде електрично. Сепак да видиме како ќе се одвиваат работите, затоа што на електричните возила продажбата никако не им оди.
ТОП НОВОСТИ
