LAND ROVER SV BESPOKE ГО КРЕИРАШЕ НОВИОТ LAND ROVER DEFENDER V8 BOND EDITION ЗА СВЕТСКАТА ПРЕМИЕРА НА ДВАЕСЕТ И ПЕТТИОТ ФИЛМ ЗА ЏЕЈМС БОНД, ТАЈНИОТ АГЕНТ 007, КОЈА ЌЕ СЕ ОДРЖИ НА 28 СЕПТЕМВРИ ВО ЛОНДОНСКИОТ ROYAL ALBERT HALL
Инспирирани од спецификациите на автомобилите што се појавуваат во „No Time to Die“ (Не е време за умирање), моделите Defender 110 и 90 од „невидливата“ Land Rover Defender V8 Bond Edition веќе можат да се нарачаат. И обата се карактеризираат со проширен црн пакет кој опфаќа алуминиумски фелни Gloss Black од 22 инча, Xenon Blue предни дебелокори сопирачки, вклучително и ознаката Defender 007 на задниот дел од возилото. Елементите на изработката по мера се однесуваат на практичниот ентериер каде што има осветлени Defender 007 ознаки, кои се наоѓаат на праговите, екран што е чувствителен на допир, со посебен вид анимација, информативен систем Pivi Pro, кој вклучува и забава, оддавајќи почест на долгогодишното партнерство на Land Rover брендот и Џејмс Бонд франшизата. Навечер, кога ќе се запалат светлата, може да се забележи графиката 007.
Бројот е ограничен, производството ќе биде лимитирачко, сведено на 300, што значи дека толкумина ќе имаат ексклузивна можност да ги купат. Во согласност со тоа, во внатрешноста на Defender V8 Bond Edition моделите има ласерска гравура One of 300 (еден од 300) и лого SV Bespoke. Исто така, сите возила ќе бидат персонализирани, по желба на купувачите од Велика Британија. Директорот на Land Rover брендот – Finbar McFall вели: „Land Rover Defender V8 Bond Edition е, всушност, најексклузивното, најмоќното Defender издание досега, инспирирано од автомобилите што се појавуваат во ‘No Time to Die’.
Имено, новата линија ги соединува двете големи британски марки, а во исто време претставува и своевидна прослава на триесет и осумгодишната соработка меѓу компанијата Land Rover и Џејмс Бонд франшизата“.
Defender моделите се присутни во филмот заедно со две Range Rover Sport SVR единици – Range Rover Classic и Range Rover Series III. Заснована врз моделот Defender V8, кој беше претставен не толку одамна, Bond Edition ја движи петлитарски бензински мотор, добар за масивни 525 коњски сили, како и за 625 Nm (обртен момент), кој, пак, целата сила ја испраќа на двете оски со помош на осмостепениот автоматски менувач. Defender 90 има забрзување од 0 до 100 километри на час за 4,9 секунди, а максималната брзина што ја развива е 240 километри на час. Благодарејќи на перформансите, ова е најбрзото и најдинамичното Defender издание досега, додаваат од компанијата. Така, уникатното приспособување на суспензијата и преносот на брзините, вклучително и приспособените пружини, амортизери, па и новиот заден диференцијал со електронско заклучување, придонесуваат за Defender V8 да обезбедува поагилно и попривлечно управување со подобрената контрола на каросеријата, придружено со карактеристичен V8 звук со препознатлив набој.
ТОП НОВОСТИ
