На годинашното издание од изложбата на моторни возила, но и на останатите, без мотор, Нисан се појави со четири мошне смели концепти. Рака на срце, сите имаат повеќе од смел дизајн, успешен, забележлив за секое око. Некој одеднаш да претстави пет концепти и над сѐ сите да бидат „кој од кој“ со својот облик. Браво за тимот дизајнери. За еден од нив веќе пишувавме, „хипер урбан концепт“, но не и за останатите четири „адвенчр, „панк“, „турер“ и „форс“.
Смелиот потег на Нисан беше поздравен од посетителите на изложбата. Тие велеа дека „хипер панкот“ најмногу им се допаѓа (анкетираните посетители најмногу гласови за концептот „хипер панк“). Остри аглести линии кои малку потсетуваат на тие од „ламборџини каунтач“, најверојатно биле пресудни за многуте гласови од посетителите. Сега следи прашање, дали производителот ќе го послуша гласот на народот и дали концептот „хипер панк“ ќе влезе како таков во сериско производство? Кога велиме како таков, мислиме на неговиот сегашен дизајн, концептот каков што е сега, таков да влезе во производство без ниту едно чепкање во обликот. Да почекаме и да видиме дали Нисан ќе излезе во пресрет на народот.
Инаку, сите концепти се целосно електрифицирани и најверојатно ќе послужат како основа за развој на идните модели, односно на четирите модели кои Нисан ги најавува за скоро појавување.
ТОП НОВОСТИ
