Семејството од електрични модели беше збогатено со едно „сув“ купе именувано како „арија“. Тоа се случи во атарот на производителот Нисан, во 2020 година. Интересно за овој модел е тоа што има погон и на две и на четири тркала, со максимален домет до 500 км се разбира со најголемата, односно 87 kWh батерија (394 КС и 600 Нм).
Повод повторно да пишуваме за овој модел на Нисан е следново, една брачна двојка мина пат со „нисан арија авд е – 4 форс“ во должина од околу 30.000 км, од Северниот до Јужниот Пол. За ваков потфат мора да се биде вистински авантурист.
Необичното патување било планирано уште од 2017 год. кога сопружниците веќе го имале извозено Монголското Рели долго 10.000 км, со нивниот „нисан лиф“. Тоа значи дека сопружниците Џули и Крис веќе биле прекалени рели возачи. Да стасате на целта на рели долго 10.000 км, не е нималку наивно. Да напомниме, возилото „нисан арија авд е-4орс“ претрпело само минимални измени, додека батеријата, електромоторите и сета останата механика и електроника останале исти. Преправките се следниве: зголемено растојание на најниската точка од возилото во однос на подлогата, потоа пoради поголемите пневматици (39 инчи) вградени со цел да ги издржат премногу ниските температури, крилните делови биле малку одземени за пневматиците да не допираат на нив, а биле направени мали доправки однадвор со цел да се заштити возилото од преголемите разлики на надворешните влијанија и тоа е сѐ. Предизвикот е преголем, најнапред снеговите, мразовите и студенилото од Северниот Пол, а потоа на ред се прериите и сушните предели со многу променливи температури во деноноќијата, а во Средна Америка ги дочекале тропските поројни дождови, но и екваторијалната клима и големите пространства со прашуми. Следно на ред се пустинските предели на најжедниот дел од планетава наречен Атакама и сѐ така низ љаносите, камписите и пампасите, а зад нив тивката и сурова Патагонија и по неа Јужниот Пол со своето негостопримство и температурите далеку под нулата. Авантура која ќе се памети цел живот и ќе им зборува на генерациите како некогаш со електрично возило бил премостен Северниот со Јужниот Пол за време од 10 месеци, започнувајќи на 31 март, а на 15 декември оваа година, брачната двојка стигнува на Северниот Пол.
Потфатот на Џули и Крис Рејмзи треба да биде доказ дека електричните возила се подеднакво способни при ниски и високи температури како и класиката со дизел и ото мотори. Да, батериите се осетливи на ниски температури, но тоа не е ни одблиску така како што мисли јавноста, односно како што е информирана (погрешно) од недоволно информираните.
ТОП НОВОСТИ
