ШТО ЌЕ ДОНЕСЕ 41. ИЗДАНИЕ ОД РЕЛИТО ДАКАР, ИНАКУ НАЈПОЗНАТО РЕЛИ НА ИЗДРЖЛИВОСТ, ДОПРВА ЌЕ ВИДИМЕ. СТАРТОТ Е ЗАКАЖАН ЗА 6 ЈАНУАРИ, ОДНОСНО ПРВИОТ СПЕЦИЈАЛЕН ИСПИТ Е НАРЕДНИОТ ДЕН, НА 7. КАКО И ПРЕТХОДНИТЕ ГОДИНИ, РЕЛИТО ЌЕ СЕ ВОЗИ НА ЈУЖНАТА ХЕМИСФЕРА И КАКО КУРИОЗИТЕТ САМО ВО ЕДНА ЗЕМЈА, ПЕРУ.
Крајот од годината во светот на автомобилите покрај другото е резервиран и за последните подготовки за почетокот на најтешкото рели на планетава Земја, релито Дакар. Најдраматичното, најтешкото, рели на кое и возачите заедно со нивните тимови и возилата се ставени на најтежок можен испит.
Откако Пежо најави дека се откажува од понатамошните учества на релито Дакар, за освојување на титулата останаа следниве фаворити: Мини, како прв, а Тојота како втор фаворит и евентуално приватниот тим ПХ Спорт кој го има Пежоовиот моделот „3008 дкр макси“. За овој приватен тим ќе вози деветкратниот шампион во рели Себастијан Лоеб и долгогодишниот совозач Даниел Елена. Само тој од неговите колеги одлучи да „остане“ во Пежо, додека другите, кој од кој поголема легенда се префрлија во тимот на Икс – Рајд Мини ЏКВ Тим, Стефан Петерхансел, Карлос Саинц и Сирил Депре.
Овие тројца заедно „тежат“ 20 титули од кои 13 се на С. Петрхансел, шест со мотоцикл и седум со автомобил. Во класата на камионите Камаз повторно покажува заби и според најавите тешко дека некој ќе може да му се спротивстави, но семејството Де Рој секогаш се тука и ги следат Камазовци како сенка, така што секоја нивна грешка може многу лесно да биде предност за Жерард де Рој и неговиот Ивеко. Сепак големата Камазова тројка: Едвард Николаев, Сјархи Виазович и Ајрат Мардеев, како и секоја година најверојатно ќе одат на тројна титула, 1 – 2 – 3.
Еден од најупорните учесници на ова рели е Јапонецот Јошимаса Сугавара кој е присутен на релито Дакар од далечната 1983 и е сопственик на три рекорди, девет пати е победник во својата класа, 27 завршени рели настапи по ред и 35 учества едно по друго, а годинава е пријавен за 36 стар заедно со своите неверојатни 77 години.
Перу, земјата домаќин, уште од сега ги угостува учесниците и тимовите, а главното ќе се одвива од 6 до 17 јануари, 12 денови. Должината на одбраната рута е скоро 5.000 километри поделени во 10 етапи во кои 3.000 километри се специјални испити, а дури 70% од рутата ќе се вози на песок. Учесниците ќе стартуваат од главниот град Лима, прават елипса од обиколка на јужната страна и повторно се враќаат во Лима на целта.
ТОП НОВОСТИ
