Неколку едноставни подобрувања во вашата гардероба ќе ви помогнат да се осигурате дека ќе имате совршено стилизирана пролет.
Годината зад нас беше навистина тешка. Во текот на изминатите дванаесет-тринаесет месеци, па и повеќе, го сменивме начинот на дружење, како купуваме, како го поминуваме времето… Сепак, мораме да го сочуваме оптимизмот, за нормално, колку-толку, да продолжиме натаму. Ако не знаете како да го задржите оптимизмот, знајте дека вашата гардероба е совршено место за почеток.
Иако изгледа дека изминатата година го ограничи нашиот избор на стил, карантинот и полицискиот час го сменија модниот свет на подобро. Прво, тие го наведоа да забави, и второ, да ја стави одржливоста на врвот на неговата листа на приоритети. Трето, а можеби и најважно, на клиентите им беше дадена можност релаксирано да пристапат кон нивниот стил и да вложат повеќе пари во помалку парчиња. Имајќи го предвид тоа, решивме да ви претставиме осум стилски „резолуции“ што треба да ги усвоите оваа пролет, па и во останатите осум и пол месеци од годинава. Од суптилните адаптации на старите класици до стилистичките промени што моментално се во тренд, парчињата кои можете да ги видите на фотографиите ќе ви помогнат да го освежите вашиот имиџ.
НАДГРАДЕТЕ ГИ ЧЕВЛИТЕ СО КУБАНСКИ ПОТПЕТИЦИ
Можеби веќе имате чифт кожени (полу) чизми, но ако изминатиот период нè научи нешто, тоа е дефинитивно тенденција да се стремиме кон повеќе, особено кога станува збор за мали потпетици на чевлите. Ретро и истовремено модерно, (полу) чизмите со кубански потпетици се идеални за оваа пролет. Има уште малку време, искористете ја секоја можност да ги облечете.
КАЖЕТЕ МУ „ДА“ НА ДВОРЕДНОТО ЗАКОПЧУВАЊЕ
Костумите се дефинитивно одлика на машкиот стил, но најчесто избор е едноредното закопчување. Ако ваквите модели се сè што содржи вашата гардероба, ви предлагаме да направите малку простор за комбинации во два реда.
ЗАМЕНЕТЕ ГИ ТРАДИЦИОНАЛНИТЕ КОШУЛИ СО БЕЛИ МАИЦИ
Друга „состојка“ која совршено ќе ја зачини вашата игра во нов стил е чистата бела, обична маица. Дефинитивно важи за основно парче облека, но во исто време е и повеќенаменско. Без разлика дали го носите под јакна или внатре, во панталони, тоа ќе даде темперамент на секој ваш изглед.
ЗА ПОСТУДЕНИТЕ ДЕНОВИ ИЗБЕРЕТЕ ФИНИ БЛУЗИ
Сега, кога месец април е сè уште во полн ек, ви предлагаме да изберете фино ткаени блузи, еден вид лесни, тенки џемпери. Со својот помек дизајн, тие изгледаат едноставно, но истовремено суптилно го покажуваат вашиот луксузен стил.
ОПУШТЕТЕ СЕ СО ШИРОКИ НОГАВИЦИ
Иако структуралните костуми со паметни кроеви се основата на совршениот стил, машката мода во последно време направи лежерен пресврт, па дефинитивно ќе ви требаат панталони со пошироки ногавици.
НАБАВЕТЕ ПАР „ВИНТИЏ“ LEVI’S 501
Одржливоста е во тренд сега, повеќе од кога било, што подразбира инвестирање во пар „винтиџ“ фармерки, а сите знаеме дека никој не е подобар од Levi’s 501. Овој стил можете да го комбинирате практично сo сè – од кошула, преку ролка, до блејзер.
ОСВЕЖЕТЕ ГИ СЕКОЈДНЕВНИТЕ ЈАКНИ СО РЕТРО ДИЗАЈН
Удобноста дефинитивно беше во мода изминатиот период, но сега не е ограничена само на парчињата што ги носиме дома. Јакните во моментов се дел од нашето секојдневие и мора да ви овозможат удобност, каде и да одите.
КАКО ГЛАЗУРА НА ТОРТА – ЦРН МАНТИЛ
Традиционално, бежот беше класичната боја избрана за мантилите. Неговата привлечност е сè уште релевантна, но зошто да не пробате монохроматски изглед во тотално црна? Идеална е за оваа пролет, но и за есента која нé чека за пет-шест месеци.
ТОП НОВОСТИ
