Кинеската автомобилска индустрија не мирува. Нејзиниот најнов напад на европско тло е електричното теренско возило од марката Мхеро, модел „1“. Ова чудо на четири тркала е дело на гигантот Донгфенг, а Мхеро е негова марка.
Супер новото теренско возило има несекојдневен дизајн, безмалку како да излегло од филмско платно. Еве уште еден доказ дека кинеските дизајнери прават нешто единствено, а не копија, како што досега ги обвинуваа. Должина пет метри минус 13 мм, повеќе од два метри ширина и безмалку два метри висина. Сето ова е зачинето со луксуз – квалитетни материјали во одделот за патници, врвна изработка и доработка, четири електромотори по еден за секое тркало, а тоа значи возилото има погон на сите тркала. И не е само погонот, туку и управувањето на задната оска. Ако притреба, возилото може да се движи и странично под агол од 90 степени или дијагонално, а целосен кругот на вртење го остварува во дијаметар помал од 11 м. Има 1.088 КС и поседува врвни теренски способности и изминува најмногу околу 450 км со едно полнење на батеријата.
Тежината на „мхеро 1“ е страотна, 3,7 тони, бројка која не смее да се занемари.
ДА, „мхеро 1“ може да го купите, а неговата цена е 158.000 евра и велат дека цената е сосема оправдана во однос на класата на која и припаѓа. Конкуренцијата е поскапа за скоро една третина од спомнатата цена.
ТОП НОВОСТИ
