Купе лимузината која при своето прво прикажување предизвика многу коментари од кои повеќето позитивни, деновиве доби обновување како во надворешниот така и на внатрешниот дизајн. Првичните впечатоци откриваат поголемо нагласување на спортската линија. Елеганцијата е задржана, но спортската нота дошла до израз, а зошто е тоа така треба да одговорат дизајнерите.
Оваа посебна лимузина, а тоа во превод значи не е како останатите во семејството, за првпат се појави во 2004 година и оттогаш до денес се продадени над 450.000 примероци. Истокот е најзаинтересиран за купување, Кина на прво место, Јужна Кореа на второ, на трето место е САД и на дури четврто домаќините, тие каде се произведува лимузината.
Палетата од погонски единици како по обичај е богата и во понуда се три во дизел и три во бензинска изведба. Дизелите започнуваат со „220 д“, „300 д“ и „400 д 4 матик“, а бензинските ги предводи изведбата „350“ потоа следи „450 4 матик и „53 4 матик +“. Тие мотори нудат силина од најмалку 194 КС до фантастични 435 во изведбата со наставка „амг“. И како што е редот за оваа лимузина со наставка „амг“ конструкторите вградиле автоматски секвенцијален менувач со девет брзини и за него велат дека е премногу брз со менувањето на брзините и таа силина ја испорачува на двете оски. За тој благодет од погон на сите тркала се грижи „амг перформанс 4 матик +“ и „амг рајд контрол +“. И во зависност од тоа како возачот ја вози лимузината, така подвозјето автоматски се подесува, се укрутува или станува меко. Тука значајна улога играат и воздушните перници наместо класичните амортизери.
Покрај нагласената елеганција со голема доза на спортска нота, производителот се задржал посебно на опремата и секако на луксузот. За да држи чекор со технологијата, Мерцедес претходно вгради два многу битни уреди повеќе медијскиот „мбу икс“ и вториот е „енерџајзинг комфорт“. Од тоа што има толку многу опрема на човек ќе му бидат потребни да зема часови за да научи да ги користи сите удобности што ги нуди новата лимузина „цлс“.
ТОП НОВОСТИ
