Еве уште еден со има за кое ќе ви биде потребен потсетник, „мерцедес амг гт 63 про 4 матик + моторспорт колекторс едишн“. Главен виновник за овој модел е болидот од формула 1. Конструкторите од спортскиот оддел АМГ сакале да направат нешто поинакво од досегашното. Ова е тоа чудо, „амг гт 63 про 4 матик + моторспорт колекторс едишн“. Сепак нешто е збунувачко во името, тоа „+ моторспорт колекторс едишн“. Со зборот „колекторс“ како да сака да каже дека купето е наменето само за собирачите на автомобили. Да, ова е модел токму за таквите кои имаат поголема гаража која неретко личи на музеј, хангар или нешто слично. Таму ретките купувачи ги чуваат (кријат) своите автомобили. И „мерцедес амг гт 63 про 4 матик + моторспорт колекторс едишн“ е од тие ретките затоа што производителот најавува само 200 примероци кои најверојатно досега се купени, иако ниту еден примерок не е излезен во продажба.
Купето е задвижувано од 4,0 литарски бензински мотор со осум цилиндри во V и со двоен турбо полнач поседува 612 КС доволни купето да го понесе од 0 до 200 км/ч за 10,9 сек. и да постигне крајна брзина од 317 км/ч. За сето ова да биде во служба на брзината и подвижноста плус маневрирањето, на сцена стапуваат аеродинамичарите и динамичарите кои извршиле целосно дополнително дотерување на аеродинамиката и на шасијата и тркалата обесени на неа.
Геометријата на тркалата наново е подесувана, а истовремено и амортизерите се подзатегнати со цел купето да биде „што понервозно“ за време на возењето, исто како што е нервозен и прецизен болидот од формула 1. Боите се истите како од болидот, со исти шари, да се разликува од „обичното“ купе (амг гт 63 про 4 матик +). од кое ова води потекло. Мерцедес прави нешто кое веќе е распродадено, а го објавува и пишува за него во детали. Подобро воопшто да не го претставуваше во јавност.
ТОП НОВОСТИ
