Зошто токму „Валхала“? – името е дадено според нордијската митологија во која Валхала е рајот на воините. Дали ова име му прилега на најновиот модел што треба да излезе во 2021 година, за тоа одлучете вие. Супер или ултра супер купето ќе биде направено во само 500 примероци, што е доволен знак за неговата ултра луксузна лоза. Оваа направа на четири тркала правена е во соработка со „Ред Бул Рејсинг“ и првично беше позната како „ам – рб 003“.
Подоцна беше најавено дека името ќе биде „сан оф валкире“, но по неколку месеци, одговорните во компанијата изјавија дека ултра супер купето ќе го носи името „валхала“.
Телото целосно ќе биде изработено од композитни материјали (карбон фибер) и шасија од лесна метална легура и сето тоа ќе тежи 1.350 кг. Погонската единица со шест цилиндри во V снабдена со двоен турбо полнач ќе развива 1000 КС, а ќе поседува и „керс“ систем, како тие во формула 1. Механичкиов склоп ќе биде направен во сопствените погони и ќе користи систем за брзо менување на моторнито масло познат како „кастрол нексцел“. Овој систем го менува маслото за 90 сек. и за првпат е применет во моделот „вулкан“ исклучиво наменет за трки. Токму овој модел ќе „глуми“ во најновиот филм за Џејмс Бонд. •
ТОП НОВОСТИ
