Март е месец на пролетта, период на раздвиженост, време на излети, на зголемен интерес за патувања, но и месец кој е значаен за нас, бидејќи во него за првпат, пред 6 години, го објавивме електронското издание на списанието „Клуб Мобилити“, кое изобилува со многу интересни и корисни информации за сите учесници во сообраќајот. На овој начин се погриживме, нашите членови но и останатите читатели на Клуб Мобилити, најбрзо да бидат во тек со најновите случувања.
Kaко поинаку да го одбележиме месецот на жената, освен Вам – на нашите сегашни и идни членови од понежниот пол – да Ви подариме нешто посебно. Тоа е АМСМ Членство, подарок што ќе ви овозможи поголема независност во сообраќајот, особено во безбедноста и грижата за Вашиот автомобил. Со неверојатен попуст, само во март, можете да станете сопственик на АМСМ членски пакет Класик или Европа Премиум и да уживате во услугите и во поволностите што ги добивате со нив.
АМСМ, во рамките на „Март-месец на жената“, традиционално jа одржа трибина за поголема безбедност во сообраќајот. Целта на овие трибини, кои секоја година се осврнуваат на различна проблематика од сферата на безбедноста во сообраќајот, е да се подигне свеста за безбедноста на припадничките на понежниот пол како активни
учеснички во сообраќајот, а преку нив и свеста на семејствата и на помладите генерации учесници во сообраќајот.
Мартовскиот број на „Клуб Mобилити“ изобилува со интересни информации. Ве потсетуваме што треба да направите со вашето возило по долгата и влажна зима, ве советуваме како да уживате во пролетта без страв од алергија, ве информираме за новините во автомото спортот и што уште нè.
ТОП НОВОСТИ
