Ланцанте подготвува супер автомобил со кој сака да ја прослави 30 годишнината од победата на легендарната трка 24 часа Леман. Зад возилото со име Ланцанте стоеше Мекларен со неговиот „ф1 гтр“, а во „возилото“ беше сместен снажниот V12 од БМВ. Седум вакви тркачки автомобили се најдоа на стартот во 1995 година. Едниот од нив беше возен од триото Масанори Секија, Јурки Јарви Лехто и Јаник Далма, а севкупната подготовка и „навиткувањето“ беше направено и организирано од конструкторот Грем Хамфрис. Победата беше крајно неочекувана, затоа што автомобилот пред сѐ беше сериски и подоцна од него беше изведена тркачката изведба.
Другите тимови не правеа така, туку директно развиваа тркачки автомобил (болид). Ова е прв и единствен пример каде тркачкото возило е направено на основа од сериско и истото уште на првото учество да се закити со престижната титула. Победата воопшто не беше очекувана, единственото за кое стравуваа конструкторите беше дали возилото воопшто ќе ја извози трката. Големи брзини, малку повеќе среќа, малку дожд во вечерните часови и големата умешност на Ј. Ј. Лехто да им бега дури по 30 секунди по круг за време на дождот и сето тоа завиено со доза на мистерија. Така тимот Ланцанте со своерачно подготвен „мекларен ф1 гтр“ стаса до својата прва титула, а сите во Мекларен не можеа да си дојдат на себе од преголемиот успех, а се плашеа дека нивниот автомобил нема да ги издржи сите предизвици на 24 часовната трка. Прв настап на 24 часа Леман и веднаш победа. Затоа тоа олимпиското „важно е да се учествува“ носи со себе голема тежина затоа што не се знае што може да се случи за време на натпреварот, трката или релито итн.
По тој повод Ланцанте најавува светска премиера на супер автомобилот за време на „Гудвуд фестивалот на брзината“ што ќе се одржи од 10 до 13 јули. Сиот тој потфат е наречен „проект 95 59“. „95“ затоа што победата е остварена на трката одржана во 1995 год. а „59“, затоа што болидот го носеше стартниот број „59“. Главен за дизајнот е Пол Хауз кој учествувал во создавањето на моделот „п 1“. Затоа велат дека „фризираниот“ повеќе личи на „п 1“ отколку на тркачкиот „ф1 гтр“. Производството ќе биде ограничено, но Ланцанте засега не дава никакви информации, освен заматената слика. Двете фотографии се од моделот „спидтејл“, а цртежот е „ланцанте“.
ТОП НОВОСТИ
