ВО ПОСЛЕДНИТЕ ДВЕ ТРКИ ПРЕД ЛЕТНАТА ПАУЗА ИМАШЕ БОГАТСТВО ОД НАСТАНИ, КАКО НА АСФАЛТОТ, ТАКА И ЗАД КУЛИСИТЕ
Иако сериозните повреди го оддалечија од настапи и нови победи, Марк Маркез докажа дека постои некаква специјална врска меѓу него и германската патека Заксенринг, каде што ја забележа својата 11. победа во низа. За него тоа беше прв триумф по трката за Големата награда на Валенсија во 2019 година, а оттогаш поминаа точно 581 ден. Тој се повреди лани на почетокот на сезоната во Херез, а предвременото враќање му предизвика уште поголем проблем и го принуди цела сезона да ја помине во аут. Конечно, возачот на Репсол Хонда покажа квалитети за успех и на крајот од денот со колегите й се радуваше на новата победа.
За да биде приказната поинтересна, во квалификациите стигна само до петтото место, а Жоан Зарко беше пред сите фаворити за победа во трката. Имено, оваа сезона Фабио Куартараро имеше пет пол-позиции во низа, но во Германија и таа беше прекината! Сепак, Куартараро заврши на трето место, зад Мигел Оливеира од КТМ и на тој начин ја зголеми предноста во однос на другите водечки на табелата, како Џек Милер и Франческо Бањаја. Во првата десетка се пласираа и Биндер, Бањаја, Милер, А. Еспаргаро, Зарко, Мир и П. Еспаргаро. Оваа победа го надомести мачењето. Со ова не е готово сè, но по подолго време се гледа дека нештата се враќаат, дека е возможно, а тоа е дополнителна мотивација. И јас и Хонда имавме свои стравувања, но сега ова ни дава поттик.
На следната трка во Холандија ќе се соочиме со реалноста, но верувам дека по неа може да имаме добри трки – изјави победникот Маркез. Неговиот тимски колега Пол Еспаргаро, аплаудирајќи за успехот на Маркез, рече дека возел со свој сет ап и дека ова било големо освестување за него. Марк покажа дека ова е победнички мотоцикл, а јас бев 14 секунди зад него. Мора да научам да го возам со исти штелувања како него, да сфатам што прави, а не да ја следам својата линија. Ова денес беше голема лекција и ми ги отвори очите – рече Еспаргаро.
Сепак, следниот викенд во Асен не почна добро за Маркез. Беше катапултиран од мотоциклот за време на тренинзите и извесно време лежеше на патеката, но подоцна се потврди дека нема сериозни повреди. Малерите како да се пренесоа во неговиот тим, а Маверик Вињалес, кој на Заксенринг беше последен, само шест дена подоцна му ја украде пол-позицијата на Фабио Куартараро, колегата од Јамаха, кој беше најбрз до главните квалификации. Фабио Квартараро имаше најдобар ритам и се чинеше дека ќе дојде до нова пол-позиција, но така не мислеше и Вињалес, кој една недела по шокот на Заксенринг ја покажа својата класа на една од омилените трки.
Патеката Асен навистина му одговара на Вињалес, а тоа го покажа и на квалификациите на кои беше малку побрз од тимскиот колега од Јамаха кој освои второ место. Сепак, во трката Французинот имаше извонреден старт и го помина тимскиот колега Маверик Вињалес кој, исто така, „пукаше“ на првото место.
Франческо Бањаја, возачот на Дукати, се обиде да му парира на Куартараро, но и него го престигна без проблеми, а потоа до крајот не го испушти и со неколку секунди предност прв ја мина целта на Асен. Бањаја направи грешка и не заврши ни на пиедесталот на кој се качија Вињалес како вторпласиран и актуелниот првак Мир како трет.
Зарко, Оливеира и Бањаја завршија меѓу првите шест, а Марк Маркез се задоволи со седмото место што е одлично за него ако се земе предвид дека стартуваше дваесетти по страшното паѓање.
Од осмо до десетто место завршија Алеиш Еспаргаро, Накагами и Пол Еспаргаро, а трката не ја завршија Џек Милер, Лекуона и Валентино Роси кој падна додека беше 17. на средина на трката. Притисокот станува нешто нормално за мене. Сум го имал во текот на цела кариера, а сега е нешто на што сум навикнат.
Истовремено, одговорноста е голема. Со заземењето на местото на Валентино, сите очекуваа да имам одлични резултати и, еве ме, мислам дека вршам добра работа. Мислам дека и тимот е среќен, не само заради мене туку и поради моите механичари, начинот на кој работиме и атмосферата што ја создаваме. Едноставно, сè во тимот се одвива добро и тоа ми помага – рече Куартараро. Сезоната ќе продолжи со две трки во Австрија, а потоа ќе следи трката за Големата награда на Британија. Во меѓувреме, организаторите потврдија дека се откажува Големата награда на Австралија.
ВИЊАЛЕС ГО РАСКИНА ДОГОВОРОТ СО ЈАМАХА
Шпанскиот возач имаше катастрофален викенд во Германија кога заврши последен, но иако значително го поправи впечатокот и заврши на подиумот како второпласиран на Асен, официјално беше потврдено дека тој нема да го доработи договорот со Јамаха. Иако двете страни беа обврзани на договор до крајот на 2022 година, сепак ќе биде прекинат една година порано поради заемен договор. Јамаха со официјално соопштение потврди дека Шпанецот си заминува по завршувањето на оваа сезона, а возачот вети дека ќе даде максимум во преостанатите месеци. Врската меѓу мене и Јамаха беше важна за мојата кариера. Минавме тешки пет години, имаше убави и лоши моменти, а сега нашите патишта се разделуваат. Почитта преовладува на двете страни и затоа ќе дадам максимум за да ги оствариме најдобрите резултати до крајот на сезоната – порача Маверик. Според пишувањата на медиумите што редовно ги следат случувањата во мотоциклизмот, Вињалес има преддоговор со Априлија, а се отвора шанса неговото место да го заземе Валентино Роси, кој има големи дилеми дали ја продолжи кариерата по ужасните резултати во Петронас Јамаха. Ситуацијата со Вињалес не влијае врз мене. Тоа нема да ја смени мојата одлука, нема да влијае врз неа. Мојата одлука ќе биде донесена со оглед на резултатите. Реков дека најважни ќе бидат резултатите, а досега не сум задоволен од нив. Набрзо ќе мора да пресечам – изјави Роси. Од друга страна, пак, тимот на Валентино Роси, кој оваа година беше дел од сателитските екипи на Јамаха, идната година ќе соработува со Дукати.
ТОП НОВОСТИ
