| ЧИТАЈ | СЛУШАЈ | ГЛЕДАЈ |
| „МАЛА КНИГА ЗА ЛИКЕ“ МАЈК ВИКИНГ |
„ESSENTIAL CHRISTMAS“ ПЛЕЈЛИСТА НА „ЕПЛ“ |
„THAT CHRISTMAS“ (ОНОЈ БОЖИЌ) |
 |
 |
 |
| Мајк Викинг, кој е истражувач на среќата и најпродаван автор на „Њујорк тајмс“, во оваа книга открива зошто Данска често ја нарекуваат најсреќна земја на светот. И покрај тоа што на своите жители им нуди совршена рамнотежа помеѓу деловниот и приватниот живот, бесплатно високо образование и беспрекорен распоред на возови, таа го надминува остатокот од светот и во однос на бројот на запалени свеќи по домаќинство. Сепак, иако е можно да се научи многу од Данците во поглед на уживањето во животот, клучните тајни на среќниот живот треба да се откријат насекаде низ светот. Во оваа фасцинантна книга, авторот нè води на лов на богатство за да ја отклучиме вратата за квалитетниот живот. Собирајќи податоци, искуства и совети од најсреќните краишта на светот, тој ни кажува како да го трошиме скапоценото време, како да се однесуваме со соседите или како да приготвиме вечера. Никој не знае повеќе за среќата која Данците ја нарекуваат lykke од Мајк Викинг, директор на единствениот светски Институт за истражување на среќата во Копенхаген и бестселер автор на повеќе книги. Неговата работа е да патува низ светот, да ги бара најсреќните луѓе и да открива што прават поинаку. Во „Малата книга за лике“, тој ни кажува што пронашол. | Божиќните албуми се голема реткост за разлика од сингловите, но затоа плејлистите се полн погодок, особено за време на празниците независно дали се работи за „Спотифај“, „Епл“ итн. Оттаму и големиот број на корисници. Можноста да се ужива во нив е поврзана исклучиво со пристапот до интернет повеќето не се плаќаат. Одозгора и редовно се дополнуваат и збогатуваат, прошируваат со излегувањето на секој нов сингл. Без сомневање, плејлистата на „Епл“ со наслов „Essential Christmas“ ќе придонесе за добро расположение во текот на празниците, и новогодишните и божиќните. Одлично се вклопува во пригодниот амбиент и атмосферата, секако. Плејлистата сега за сега брои стотина песни, во траење од 5 часа и нешто. Меѓу нив се вбројуваат и големите хитови, како на пример „Jingle Bell Rock“ (Bobby Helms), „Let It Snow! Let It Snow! Let It Snow!“ (Dean Martin), „All I Want for Christmas is You“ (Mariah Carey), „Last Christmas“ (Wham!), „Jingle Bells“ (Frank Sinatra), „Happy Xmas (War Is Over)“ (John Lennon и Yoko Ono), „Wonderful Christmastime“ (Paul McCartney), „Cozy Little Christmas“ (Katy Perry), „Someday At Christmas“ (Stevie Wonder), „Christmas Tree Farm“ (Taylor Swift), „Do You Hear What I Hear“ (Whitney Houston), „O Holy Night“ (Céline Dion)… | Празниците се идеални за времето да го поминете со своите деца, можете и заедно да гледате филм. „That Christmas“ е анимиран, го има на Нетфликс од 4 декември, а жанровски спаѓа во групата фантастични комедии. Без оглед на тоа, сигурно ќе ви влезе во срцето. Анимацијата е на студиото DNEG, во продукција на Locksmith и режисерско деби на Simon Otto, засновано врз истоимената серија книги за деца од Richard Curtis. Филмот е приказна за љубовта и осаменоста, за семејството и пријателите, а изобилува со смешни случки, комични ситуации Дедо Мраз не се откажува од доставувањето на подароците за децата дури и кога луњата ќе ја зафати приморската населба. И сето тоа придружено со музиката на John Powell. Творечки придонес во главната, носечка песна и нејзината оригиналност има секако и Ed Sheeran, вклучувајќи го и саундтракот за неа, чиј наслов е „Under the Tree“. Светската премиера на „That Christmas“ се одржа на 19 октомври, во рамките на BFI London Film Festival Southbank Center навремено, за весели празнични денови.• Жанр: фантастична комедија (анимиран филм) Актери: гласовите на Brian Cox, Fiona Shaw, Jodie Whittaker, Bill Nighy Режија: Simon Otto |
ТОП НОВОСТИ
